بھارتی امپائر نے بھی چیمپئنز ٹرافی کیلئے پاکستان آنے سے انکار کر دیا

اردوانٹرنیشنل (اسپورٹس ڈیسک) تفصیلات کے مطابق بھارتی کرکٹ ٹیم کی جانب سے آئی سی سی چیمپئنز ٹرافی کے لیے پاکستان کا دورہ کرنے سے انکار کے بعد بھارتی میچ آفیشل نے بھی ٹورنامنٹ کے لیے سفر کرنے سے انکار کر دیا ہے۔

بھارتی میڈیا کی رپورٹس کے مطابق کوئی بھی بھارتی امپائر یا میچ ریفری ایونٹ کے آفیشل پینل کا حصہ نہیں ہوگا میچ ریفری جواگل سری ناتھ اور امپائر نتن مینن نے مبینہ طور پر پاکستان کا سفر کرنے سے انکار کر دیا ہے۔

بھارتی میڈیا نے دعویٰ کیا کہ ان کے انکار کے بعد آئی سی سی نے انہیں پینل میں شامل نہ کرنے کا فیصلہ کیا سری ناتھ نے آئی سی سی سے چھٹی لے لی ہے، جبکہ مینن نے دورے سے باہر ہونے کی ذاتی وجوہات بتائی ہیں۔

آئی سی سی کے ضوابط کے مطابق، ہندوستانی میچ آفیشل پہلے ہی ہندوستان کے میچوں کی نگرانی کے لیے نااہل تھے اگر وہ دبئی میں کھیلے جاتے۔

سابق فاسٹ باؤلر جواگل سری ناتھ نے 67 ٹیسٹ اور 229 ون ڈے میچوں میں ہندوستان کی نمائندگی کی، اپنے کیریئر کے دوران 236 ٹیسٹ اور 315 ون ڈے وکٹ حاصل کیں۔