بھارت بمقابلہ سری لنکا: بھارت کے دورہ سری لنکا شیڈول کی تصدیق ہو گئی
اردو انٹرنیشنل (اسپورٹس ڈیسک) تفصیلات کے مطابق سری لنکا کرکٹ نے بھارت کے خلاف ہوم سیریز شیڈول کی تصدیق کر دی ہے جس میں تین ٹی ٹوئنٹی اورتین ون ڈے شامل ہیں۔
مین ان بلیو پہلی بار نئے کوچ گوتم گمبھیر کی قیادت میں کھیلے گی جنہوں نے حال ہی میں راہول ڈریوڈ کی جگہ لی ہے۔
ٹی ٹوئنٹی ورلڈ چیمپیئن بننے کے بعد ہندوستان کی پہلی اسائنمنٹ زمبابوے کے خلاف جاری پانچ میچوں کی ٹی ٹوئنٹی سیریز ہے، سری لنکا کے خلاف سیریز میں ورلڈ کپ جیتنے والی ٹیم کے زیادہ تر کھلاڑی ایکشن میں واپس آتے ہوئے نظر آئیں گے۔
ایس ایل سی کے جاری کردہ بیان کے مطابق، ہندوستان 22 جولائی کو سری لنکا پہنچے گا ٹی ٹوئنٹی سیریز 26 جولائی سے شروع ہوگی۔
دوسرا اور تیسرا ٹی ٹوئنٹی بالترتیب 27 اور 29 جولائی کو ہونا ہے تینوں ٹی ٹوئنٹی انٹرنیشنل پالی کیلے میں کھیلے جائیں گے اس کے بعد دونوں ٹیمیں ون ڈے سیریز کے لیے کولمبو جائیں گی۔
پہلا ون ڈے یکم اگست کو مقرر ہے، دوسرا اور تیسرا میچ بالترتیب 4 اور 7 اگست کو شیڈول ہے ون ڈے سیریز کا انعقاد آر پریماداسا انٹرنیشنل کرکٹ اسٹیڈیم میں ہوگا۔
واضح رہے کہ ہندوستان 2021 کے بعد پہلی بار سری لنکا کا دورہ کرے گا۔
