بھارت نے ویمن ٹی ٹوئنٹی ورلڈ کپ 2024 کے لیے اسکواڈ کا اعلان کر دیا
اردوانٹرنیشنل(اسپورٹس ڈیسک) تفصیلات کے مطابق بورڈ آف کنٹرول فار کرکٹ ان انڈیا (بی سی سی آئی) نے منگل کو آئندہ آئی سی سی خواتین کے ٹی ورلڈ کپ 2024 کے لیے اسکواڈ کا اعلان کیا، جو 3 سے 20 اکتوبر تک متحدہ عرب امارات (یو اے ای) میں کھیلا جائے گا۔
بھارت کو خواتین کے ٹی ٹوئنٹی ورلڈ کپ 2024 کے گروپ اے میں روایتی حریف پاکستان کے ساتھ ساتھ آسٹریلیا، نیوزی لینڈ اور سری لنکا کے ساتھ رکھا گیا ہے۔
ہرمن پریت کور ہندوستانی ٹیم کی قیادت کریں گی جب کہ اسمرتی مندھانا نائب کپتان ہوں گی۔
15 رکنی اسکواڈ میں اے سی سی ویمنز ایشیا کپ اسکواڈ کے 14 کھلاڑی شامل ہیں، اوما چیتری واحد کھلاڑی ہیں جو اس سے محروم رہیں۔
چیتری کی جگہ وکٹ کیپر یاستیکا بھاٹیہ کو شامل کیا گیا ہے، لیکن ان کی شمولیت فٹنس سے مشروط ہے دریں اثنا، چیتری تنوجا کنور اور صائمہ ٹھاکر کے ساتھ ریزرو میں شامل ہیں۔
اسی طرح، شریانکا پاٹل کی شمولیت بھی پاکستان کے خلاف ایشیا کپ کے میچ کے دوران اس کے بائیں ہاتھ کی انگلی میں فریکچر ہونے سے صحت یاب ہونے پر منحصر ہے۔
واضح رہے کہ یہ ٹورنامنٹ اصل میں بنگلہ دیش میں منعقد ہونا تھا تاہم ملک میں جاری سیاسی بحران کی وجہ سے دبئی اور شارجہ میں ہونے والے میچوں کے ساتھ اسے متحدہ عرب امارات منتقل کر دیا گیا۔
میگا ایونٹ کا آغاز 3 اکتوبر کو شارجہ میں میزبان بنگلہ دیش کا اسکاٹ لینڈ سے ہوگا، اس سے پہلے پاکستان اسی دن سری لنکا کے خلاف اسی مقام پر اپنی مہم کا آغاز کرے گا۔
ہر گروپ سے سرفہرست دو ٹیمیں سیمی فائنل میں جائیں گی جو بالترتیب 17 اور 18 اکتوبر کو شیڈول ہیں جبکہ فائنل 20 اکتوبر کو دبئی میں ہوگا۔
ہندوستانی اسکواڈ:ہرمن پریت کور (کپتان)، اسمرتی مندھانا (نائب کپتان)، شفالی ورما، دیپتی شرما، جمائمہ روڈریگس، رچا گھوش (وکٹ کیپر)، پوجا وستراکر، اروندھتی ریڈی، رینوکا سنگھ، دیالن ہیملتھا، آشا سوبھنا، رادھا یادو، سجنا سجین، شرینکا پاٹل (فٹنس سے مشروط)، یستیکا بھاٹیہ (وکٹ کیپر) (فٹنس سے مشروط)
ریزرو: اوما چیتری (وکٹ کیپر)، تنوجا کنور، صائمہ ٹھاکر، راگھوی بِسٹ، پریا مشرا
