اردو انٹرنیشنل اسپورٹس ڈیسک تفصیلات کے مطابق پاکستان ویمن کرکٹ ٹیم کو ویسٹ انڈیز کی خواتین کے ہاتھوں بڑی شکست کا سامنا پڑا۔ پاکستان اور ویسٹ انڈیز ویمنز کے درمیان سیریز کے تیسرے ٹی ٹوئینٹی میچ میں پاکستان نے صرف 10 رنز پر چھ وکٹیں گنوائیں، جس سے ویسٹ انڈیز کو تیسرے ٹی ٹوئینٹی انٹرنیشنل میچ میں دو رنز سے فتح حاصل کرنے میں مدد ملی ۔ اس جیت کے ساتھ ہی ویسٹ انڈیز نے سیریز میں 3-0 کی ناقابل شکست برتری حاصل کر لی۔
ویسٹ انڈیز ویمنز نےپہلے بیٹنگ کرتے ہوئے 5 وکٹوں کے نقصان پر 132 رنز بنائے . جس کے جواب میں پاکستان 133 رنز کے ہدف کا تعاقب کرنے کی تگ و دود کرتا نظر آیا ۔ پاکستان 16.1 اوور میں دو وکٹ پر 115 رنز پر تھا ۔ تاہم، ان کی بیٹنگ لڑکھڑا گئی ، اور وہ 20 اوورز میں آٹھ وکٹوں کے نقصان پر صرف 130 تک ہی پہنچ سکے۔ ویسٹ انڈیز کی جانب سے ایفی فلیچر اور ہیلی میتھیوز نے دو دو وکٹیں حاصل کیں۔
پاکستان کو آخری 30 گیندوں پر 33 رنز اور پھر آخری چھ گیندوں پر 12 رنز درکار تھے، جبکہ آخری ڈلیوری کے لیے چھ رنز درکار تھےلیکن پاکستان مقررہ اوورز میں 133 رنز کے ہدف کا تعاقب کرنے میں ناکام رہا ۔یہ شکست پاکستان کی ون ڈے سیریز میں 3-0 سے شکست کے بعد لگاتار چھٹی شکست ہے۔ آخری دو ٹی ٹوئنٹی جمعرات اور جمعہ کو کھیلے جائیں گے۔
ہیلی میتھیوز نے ویسٹ انڈیز کی جانب سے بہترین بلے بازی اور گیند بازی کا مظاہرہ کیا جس پر وہ اس میچ کی اسٹار پرفارمر قرار دی گئیں ۔ اس نے 49 گیندوں پر 10 چوکوں کی مدد سے 68 رنز بنائے اور شیمین کیمپبیل (31 رنز) کے ساتھ 89 رنز کی اہم شراکت قائم کی۔ میتھیوز نے عمدہ باؤلنگ کا مظاہرہ کرتے ہوئے پاکستان کو آٹھ وکٹ پر 130 تک محدود کرنے میں مدد دی ۔
پاکستان کی جانب سے سدرہ امین نے عمدہ اننگز کھیلی، انہوں نے 58 گیندوں پر سات چوکوں کی مدد سے 63 رنز بنائے۔ تاہم اس کی کوششوں کے باوجود پاکستان میچ ہار گیا۔ انہوں نے عائشہ ظفر کے ساتھ (19 رنز)، منیبہ علی کے ساتھ (12 رنز) اور کپتان ندا ڈار کے ساتھ (17 رنز) کی شراکت قائم کی۔
