ICC, PCB and BCB talks complete, next 24 hours crucial-PCB
انٹرنیشنل کرکٹ کونسل (آئی سی سی)، پاکستان کرکٹ بورڈ (پی سی بی) اور بنگلا دیش کرکٹ بورڈ (بی سی بی) کے درمیان لاہور میں ہونے والے اہم مذاکرات اختتام پذیر ہو گئے ہیں، جن کے بعد آئندہ 24 گھنٹوں میں بڑے بریک تھرو کا امکان ظاہر کیا جا رہا ہے۔
ذرائع کے مطابق پانچ گھنٹے سے زائد جاری رہنے والے مذاکرات میں آئی سی سی نے بنگلا دیش کرکٹ بورڈ کے مطالبات پر مثبت ردعمل دیا اور بنگلا دیش کے ساتھ ہونے والی زیادتی کے ازالے کے لیے ایک متفقہ فارمولہ تیار کیا گیا اس عمل میں پی سی بی نے ثالثی کا کردار ادا کیا۔
ذرائع کا کہنا ہے کہ آئی سی سی کے ڈپٹی چیئرمین عمران خواجہ حتمی منظوری کے لیے واپس روانہ ہو گئے ہیں جبکہ بی سی بی کے صدر اپنی حکومت کو بریف کرنے کے لیے روانہ ہو چکے ہیں باہمی اتفاق کے بعد آج آئی سی سی اور بی سی بی کے درمیان دوبارہ رابطہ متوقع ہے۔
ادھر آئی سی سی کی درخواست پر چیئرمین پی سی بی نے وزیراعظم شہباز شریف سے ایک بار پھر رابطے کا فیصلہ کیا ہے، جس کے تحت وزیراعظم اور محسن نقوی کی ملاقات ایک سے دو روز میں متوقع ہے ذرائع کے مطابق آئی سی سی پاکستان اور بھارت کے درمیان میچ کے انعقاد کی کوششیں بھی تیز کر چکی ہے۔
