اردو انٹرنیشنل (اسپورٹس ڈیسک) تفصیلات کے مطابق، ہیری کین نے انگلش کھلاڑی کی جانب سے چیمپئنز لیگ میں سب سے زیادہ گول کرنے کا وین رونی کا ریکارڈ توڑ دیا جب بائرن میونخ کے اسٹرائیکر نے ڈاینامو زغریب کے خلاف چار گول کیے۔
چیمپیئنز لیگ کی تاریخ میں سب سے زیادہ اسکور کرنے والے گیمز میں سے ایک میں بایرن نے ڈاینامو زغریب کو 9 کے مقابلے میں 2 گول سے شکست دیے کر کئی ریکارڈز میں سے ایک ریکارڈ بھی توڑا۔
کین نے 19 ویں، 53 ویں، 73 ویں اور 78 ویں منٹ میں گول کر کے لیگ میں اپنے گول کی تعداد 33 تک لے گئے — تین گول پنالٹی کک سے کئے اور رونی کے 30 گول کے ریکارڈ کو پیچھے چھوڑ دیا۔
کین نے پنالٹی سےاسکور کا آغاز کیا تاکہ بائرن کو کروشین کلب پر برتری دلائی جائے جب ان کے ساتھی کھلاڑی الیگزینڈر پاولووچ کو رونال پیئر گیبریل نے فاول کیا تھا۔ اس گول نے رونی کے 30 گول کے ریکارڈ کے ساتھ کین کی سطح کو برابر کر دیا، پھر کین نے 57 ویں میں جوشوا کِمِچ کے شاٹ کو گول کیپر ایوان نیویسٹک کے روکنے کے بعد ریباؤنڈ پر اپنا 31 واں سکور کیا۔ کین نے مزید دو گول پنالٹی کی مدد سے کر کہ اپنے ریکارڈ کو بڑھایا۔
بایرن کے چار دیگر کھلاڑیوں نے زبردست گول کیے اور کرسٹل پیلس سے سے چیمپئنز لیگ کے ڈیبیو پر سائن کرنے والے مائیکل اولیس نے بھی 2 گول اسکور کیے.
اسٹاپیج ٹائم میں لیون گوریٹزکا کے ہیڈر نے بایرن کو چیمپئنز لیگ کے دور میں نو گول کرنے والی پہلی ٹیم بنا دیا جو کہ ایک اور ریکارڈ بن گیا۔ 31 سالہ کین نے ایک سال قبل بایرن آنے کے بعد سے چیمپیئنز لیگ کے 12 گول اسکور کیے ہیں اور اس سے قبل ٹوٹنہم کے لیے 21 گول کیے تھے۔
کین کے بائرن آنے کے بعد سے اب تک تمام مقابلوں میں 50 گیمز میں 53 گول ہو چکے ہیں۔
