اردو انٹرنیشنل (اسپورٹس ڈیسک) تفصیلات کے مطابق پاکستان کے سابق کرکٹر محمد حفیظ نے قومی ٹیم کے لیے غیر ملکی کوچز کی تقرری پر سوال اٹھایا ہے۔
جیو نیوز سے خصوصی انٹرویو میں بات کرتے ہوئے حفیظ، جنہوں نے حال ہی میں ٹیم کے ڈائریکٹر کے طور پر مختصر مدت کے لیے خدمات انجام دیں، کہا کہ مقامی کوچز پر اقربا پروری کا الزام لگانا غیر منصفانہ ہے۔
“مجھے ڈائریکٹر کرکٹ کے عہدے سے ہٹانے کا عمل افسوسناک تھا۔ میں لیول ون کا کوالیفائیڈ کوچ ہوں کوچنگ کورسز ایک تعلیم ہے لیکن کوچ بننے کی مکمل اہلیت نہیں ہے ہم بین الاقوامی کرکٹ کے تجربے کو نظر انداز نہیں کر سکتے۔”
واضح رہے کہ پاکستان کرکٹ بورڈ (پی سی بی) کے سابق چیئرمین نجم سیٹھی نے دعویٰ کیا تھا کہ مقامی کوچز ذاتی تعلقات پر فیصلے کرتے ہیں۔
انہوں نے کہا کہ میں سابق چیئرمین پی سی بی کے بیان سے بہت مایوس ہوں کیونکہ یہ بہت سے سابق کھلاڑیوں کے ساتھ ناانصافی ہےپاکستان کے پاس کرکٹ کے لیجنڈز ہیں جن کی دنیا بھر میں تعریف کی جاتی ہے نہ صرف یہ کہ ایک غیر ملکی کوچ کا تقرر کیا جائے میں نے کبھی کسی مقامی کوچ کو اقربا پروری یا ذاتی سفارشات کو فروغ دیتے ہوئے نہیں دیکھا۔
پاکستان مینز ٹیم کے کوچنگ اسٹاف کا اعلان نیوزی لینڈ کے خلاف سیریز کے اختتام کے بعد کیا جائے گا۔
