ایشین انڈر18 والی بال چیمپئن شپ میں پاکستان کا شاندار آغاز

اردو انٹرنیشنل اسپورٹس ویب ڈیسک تفصیلات کے مطابق بحرین میں ایشین انڈر18 والی بال چیمپئن شپ میں پاکستان نے اپنے پہلے میچ میں کوریا کو شکست دے کر ٹورنامنٹ میں شاندار آغاز کیا.

پاکستان اور کوریا کے درمیان ہونے والے سنسنی خیز میچ میں پاکستان کے نوجوان پلیئرز نے 2-3 سے کامیابی حاصل کی۔

میچ کے دوران ایک موقع پر پاکستان کو 1-2 کی برتری حاصل تھی لیکن کوریا نے مقابلہ برابر کردیا پھر پاکستان نے فیصلہ کن فریم میں شاندار پرفارمنس کا مظاہرہ کرکے کامیابی حاصل کی۔

پاکستان کی جیت میں جنید، ابوبکر اور یحییٰ نے اہم کردار ادا کیا، جیت کا اسکور 25-22، 23-25، 17-25، 25-20، اور 13-15 رہا۔

ایونٹ میں پاکستان ٹیم پیر کو روایتی حریف بھارت کیخلاف اپنا دوسرا میچ کھیلے گی، یاد رہے 2023 میں ہونیوالے ایونٹ میں بھارت تیسری پوزیشن پر رہا تھا۔

پاکستان ٹیم انڈیا کے خلاف بھی اپنی جیت کا مومینٹم برقرار رکھنے کیلئے پر عزم ہے۔