England vs Australia: England announced Ollie Stone as Atkinson's replacement-England Cricket
انگلینڈ بمقابلہ آسٹریلیا:انگلینڈ نے اولی اسٹون کو اٹکنسن کے متبادل کے طور پر شامل کرنے کا اعلان کر دیا
اردوانٹرنیشنل(اسپورٹس ڈیسک) تفصیلات کے مطابق انگلینڈ اینڈ ویلز کرکٹ بورڈ (ای سی بی) نے پیر کو اولی اسٹون کو گس اٹکنسن کے متبادل کے طور پر شامل کرنے کا اعلان کیا، جنہیں آسٹریلیا کے خلاف پانچ ایک روزہ میچوں کی سیریز سے آرام دیا گیا ہے۔
اٹکنسن تکلیف کی وجہ سے سری لنکا کے خلاف تیسرے ٹیسٹ کی صبح میدان میں نہیں اترے تاہم، وہ تکلیف سے صحت یاب ہوئے اور شام اور چوتھے دن باولنگ دوبارہ شروع کی لیکن رفتار کی کمی تھی۔
دائیں ہاتھ کے تیز گیند باز نے سری لنکا کے خلاف انگلینڈ کی 2-1 سے سیریز جیتنے میں اہم کردار ادا کیا، انہوں نے 27.41 کی اوسط سے 12 وکٹ حاصل کیں۔
انہوں نے حال ہی میں ختم ہونے والی سیریز میں اپنی بلے بازی کی مہارت کے ساتھ لارڈز میں دوسرے ٹیسٹ میں نمبر 8 پر بیٹنگ کرتے ہوئے اپنی پہلی سنچری اسکور کی۔
گس اٹکنسن کو ابتدائی طور پر انگلینڈ کے ون ڈے اسکواڈ میں شامل کیا گیا تھا جس میں وکٹ کیپر بلے باز جونی بیرسٹو اور تجربہ کار آل راؤنڈر معین علی جیسے اہم کھلاڑیوں کی عدم موجودگی تھی۔
جوس بٹلر کو آسٹریلیا کے خلاف سیریز کے لیے انگلینڈ کے ون ڈے اسکواڈ کا کپتان نامزد کیا گیا تھا، تاہم پانچ میچوں کی سیریز میں ان کی شرکت غیر یقینی ہے، وہ پہلے ہی ٹی ٹوئنٹی سیریز سے باہر ہو چکے ہیں۔
ایٹکنسن 9 ون ڈے میچوں میں انگلینڈ کی نمائندگی کر چکے ہیں، انہوں نے 35.27 کی اوسط سے 11 وکٹ حاصل کیں.
دریں اثنا، 30 سالہ ناٹنگھم شائر سیمر اولی اسٹون ٹیم میں گس اٹکنسن کی جگہ لیں گے۔
سٹون سری لنکا کے خلاف حالیہ ٹیسٹ سیریز میں بھی شاندار تھے کیونکہ انہوں نے 7 وکٹ حاصل کی تھیں.
انگلینڈ اور آسٹریلیا کے درمیان پانچ ایک روزہ میچوں کی سیریز کا پہلا ون ڈے 19 ستمبر کو ٹرینٹ برج میں کھیلا جائے گا جبکہ آخری 29 ستمبر کو برسٹل میں کھیلا جائے گا۔
انگلینڈ ون ڈے سکواڈ:جوس بٹلر (کپتان)، جوفرا آرچر، جیکب بیتھل، ہیری بروک، برائیڈن کارس، بین ڈکٹ، جوش ہل، ول جیکس، میتھیو پوٹس، عادل رشید، فل سالٹ، جیمی اسمتھ، ریس ٹوپلی، جان ٹرنر اور اولی اسٹون۔
