اسلام آباد: الیکشن کمیشن آف پاکستان نے ملک بھر میں 11 فروری 2024 کو عام انتخابات کی تاریخ دے دی۔
سپریم کورٹ میں چیف جسٹس آف پاکستان کی جسٹس فائز عیسی کی سربراہی میں 90 دن میں الیکشن کرانے کے کیس کی سماعت ہوئی جس سلسلے میں الیکشن کمیشن کے وکیل سجیل سواتی نے عدالت کو بتایا کہ 30 نومبر تک حلقہ بندیاں مکمل ہو جائیں گی اور انتخابات 11 فروری کو کروا دیے جائیں گے۔
چیف جسٹس نے سوال کیا کہ کیا انتخابات کی تاریخ سے متعلق صدر پاکستان آن بورڈ ہیں اور کیا تاریخ کے حوالے سے ان سے مشورہ لیا گیا ہے؟
چیف جسٹس نےالیکشن کمیشن کے وکیل کو ہدایت کی کہ الیکشن کمیشن آج صدر سے مشاورت کرے۔