اردوانٹرنیشنل (اسپورٹس ڈیسک) تفصیلات کے مطابق جنوبی افریقہ نے آل راؤنڈر کوربن بوش کو آئندہ چیمپئنز ٹرافی 2025 کے لیے اینریک نوکیا کی جگہ ٹیم میں شامل کیا ہے۔
نوکیا پچھلے سال کمر کی تکلیف میں مبتلا ہونے کے بعد ٹورنامنٹ سے باہر ہو گئے تھے اور ان کی جگہ نوجوان ٹیلنٹ جیرالڈ کوٹزی کو ٹیم میں شامل کرنے پر غور کیا جا رہا تھا۔
تاہم، ٹیم کو ایک اور دھچکا لگا کیونکہ ان کے پریمیئر آل راؤنڈر کوٹزی ایس اے 20 ٹورنامنٹ کے دوران ہیمسٹرنگ انجری کی وجہ سے چیمپئنز ٹرافی 2025 سے باہر ہو گئے تھے۔
اب آل راؤنڈر کوربن بوش کو 19 فروری سے شروع ہونے والے مارکی ایونٹ کے لیے جنوبی افریقہ کی ٹیم میں شامل کیا گیا ہے۔
تیس سالہ تیز گیند باز نے گزشتہ سال دسمبر میں پاکستان کے خلاف بین الاقوامی کریئر کا آغاز کیا تھا اور اپنے مختصر بین الاقوامی کیریئر میں صرف ایک ون ڈے اور ایک ٹیسٹ کھیلا ہے۔
کوربن بوش کے متبادل کے علاوہ، پروٹیز نے سہ ملکی سیریز اور چیمپیئنز ٹرافی 2025 کے لیے کیوینا مافاکا کو ریزروکے طور پر ٹیم میں شامل کیا ہے۔
جنوبی افریقہ کا آئی سی سی چیمپئنز ٹرافی 2025 کا اسکواڈ:ٹیمبا باوما (کپتان)، کوربن بوش، ٹونی ڈی زورزی، مارکو جانسن، ہینرک کلاسن، کیشو مہاراج، ایڈن مارکرم، ڈیوڈ ملر، ویان مولڈر، لونگی نگیڈی، کاگیسو ربادا، ریان رکیلٹن، تبریز شمسی، ٹرسٹان اسٹبس، رسی ڈیوسن
