Champions ODI Cup: Markhors beat Dolphins for third straight win-PCB
چیمپئنز ون ڈے کپ: مارخورز نے ڈولفنز کو شکست دے کرمسلسل تیسری جیت اپنے نام کر لی
اردوانٹرنیشنل(اسپورٹس ڈیسک) تفصیلات کے مطابق مارخور نے فیصل آباد کے اقبال اسٹیڈیم میں مقابلے کے چھٹے میچ میں ڈولفنز کو 92 رنز سے شکست دے کر چیمپیئنز ون ڈے کپ کی تیسری جیت درج کی۔
محمد رضوان کی قیادت میں ٹیم نے 285 رنز کا دفاع کرتے ہوئے ڈولفنز کو 192 رنز پر آؤٹ کیا۔
اس سے قبل، کامران غلام کی سنچری کی بدولت، مارخورز نے رضوان کی بھی قابل ذکر شراکت کے ساتھ 284/9 رنز بنائے۔
دو ابتدائی وکٹیں کھونے کے بعد، غلام نے سمین گل کی گیند پر آوٹ ہونے سے پہلے110 گیندوں پر 113 رنز کی شاندار اننگزکھیلی، جس میں 12 چوکے اور 3 چھکے شامل تھے.
کپتان رضوان نے 67 گیندوں پر 51 جبکہ سلمان آغا نے 47 گیندوں پر 49 رنز بنائے۔
زاہد محمود 15 رنز بنا کر ناٹ آؤٹ رہے اور عاکف جاوید اننگز کی آخری گیند پر 6 رنز بنا کر آؤٹ ہوئے۔
ڈولفنز کی جانب سے فہیم اشرف شاندار باولر تھے، جنہوں نے 43 رنز کے عوض 4 وکٹ حاصل کیں، جس میں افتخار احمد، عبدالصمد، اور محمد عمران کے اہم آؤٹ شامل تھے جبکہ میر حمزہ نے 2 وکٹ حاصل کیں۔
