پیرس اولمپکس 2024 کا اختتام الجزائر کی باکسر ایمانی خلیف کے گولڈ میڈل جیتنے کے ساتھ ہوا، وہ باکسنگ میں گولڈ میڈل جیتنے والی پہلی الجزائری خاتون بن گئیں۔ تاہم، اس کی جیت کو لے کر کافی تنازعہ ہوا کیونکہ انہیں “حیاتیاتی مرد” کہا جاتا ہے اور انہیں اپنے میچوں کے دوران کافی تنقید کا سامنا کرناپڑا ۔ان منفی رویوں کے باوجود، خلیف نے رنگ میں اپنی کارکردگی پر توجہ دی۔
تاہم اولمپکس کے بعد، ایمانی نے کچھ لوگوں کے خلاف قانونی کارروائی کرنے کا فیصلہ کیا جنہوں نے اسے گیمز کے دوران آن لائن ہراساں کیا ، ان میں ایلون مسک اور جے کے رولنگ شامل ہیں۔
اس کے وکیل نے ایمانی کے خلاف حملوں کو “بدتمیزی، نسل پرستی، اور جنس پرستی” قرار دیا۔ خلیف نے پیرس میں ایک خصوصی یونٹ کے پاس اپنی شکایت درج کروائی جو آن لائن
نفرت سے متعلق ہے۔
مسک اور رولنگ دونوں نے اپنے تبصروں میں ایمانی خلیف کا “مرد” کے طور پر حوالہ دیا، رولنگ نے مشورہ دیا کہ خلیف اپنی فتح کے بعد “ایک عورت کی تکلیف سے لطف اندوز ہو رہا ہے”۔ خلیف کے وکیل نے کہا کہ اگر مقدمہ عدالت میں جاتا ہے تو اس میں مزید لوگوں کو شامل کیا جا سکتا ہے، اور وہ چاہتے ہیں کہ استغاثہ نہ صرف نامزد افراد بلکہ ہراساں کرنے میں ملوث اور لوگوں کے خلاف بھی تفتیش کرے۔
پیرس اولمپکس میں طلائی تمغہ جیتنے کے بعد، ایمانی خلیف نے اپنی شناخت سے متعلق تنازعہ کے بارے میں بات کی۔ اس نے اس بات پر زور دیا کہ اب ہر کوئی اس کی کہانی کو جانتا ہے اور اس نے ایک کھلاڑی ہونے پر فخر کا اظہار کیا۔ خلیف نے اعلان کیا، “میں مکمل طور پر اہل ہوں، میں ایک عورت ہوں، میں ایک عورت پیدا ہوئی، اور میں نے ایک عورت کی حیثیت سے زندگی گزاری ہے۔”
خلیف کو امید ہے کہ لوگ اولمپک اقدار کا احترام کریں گے اور ذاتی حملوں کے بجائے مقابلے کے جذبے پر توجہ دیں گے۔ اس نے مستقبل کے اولمپکس کے لیے اسی طرح کی ہراسانی سے پاک رہنے کی خواہش کا اظہار کیا۔
