بابر اعظم نے آئی سی سی ٹی ٹوئنٹی بیٹنگ رینکنگ میں جیسوال کو پیچھے چھوڑ دیا
اردوانٹرنیشنل(اسپورٹس ڈیسک) تفصیلات کے مطابق پاکستان کے اسٹار بلے باز بابر اعظم بدھ کو آئی سی سی کی تازہ ترین ٹی ٹوئنٹی بیٹنگ رینکنگ میں ہندوستانی بلے باز یشسوی جیسوال کو پیچھے چھوڑتے ہوئے اوپر چلے گئے۔
جیسوال کو بنگلہ دیش کے خلاف جاری ٹی ٹوئنٹی سیریز کے لیے ہندوستان کے اسکواڈ میں شامل نہیں کیا گیا، نتیجتاً، وہ قیمتی ریٹنگ پوائنٹس سے محروم ہو گئے اب وہ بابر اعظم (755) کے پیچھے 749 ریٹنگ پوائنٹس کے ساتھ پانچویں نمبر پر ہیں۔
دریں اثنا، پاکستانی وکٹ کیپر محمد رضوان بھی ٹی ٹوئنٹی رینکنگ میں ٹاپ ٹین بلے بازوں میں شامل ہیں، جو 746 ریٹنگ پوائنٹس کے ساتھ چھٹے نمبر پر ہیں۔
پاکستان کے تیز گیند باز حارث رؤف نے بھی نمایاں فائدہ اٹھایا کیونکہ وہ بنگلہ دیش کے باؤلر رشاد حسین اور تسکین احمد بالترتیب دو اور سات درجے گرنے کی وجہ سے دو درجے ترقی کرکے 24 ویں نمبر پر پہنچ گئے۔
بھارت کےہاردک پانڈیا بنگلہ دیش کے خلاف رنز کے تعاقب کے دوران اپنی تیز رفتار 39* کے بعد بیٹنگ رینکنگ میں سات درجے چھلانگ لگا کر 60 ویں نمبر پر پہنچ گئے انہوں نے ایک وکٹ بھی حاصل کی اور آئی سی سی ٹی ٹوئنٹی آل راؤنڈرز کی درجہ بندی میں چار مقام بڑھ کر تیسرے نمبر پر پہنچ گئے۔