ایلنگ ورتھ اور کیٹلبرو، آن فیلڈ امپائر کے طور پر ICC مینز کرکٹ ورلڈ کپ 2023 کے فائنل میں فرائض انجام دیں گے۔ انگلش جوڑی احمد آباد میں ہندوستان اور آسٹریلیا کے درمیان ہونے والے میچ کی نگرانی کرینگے.
یہ ورلڈ کپ کے فائنل میں کیٹلبرو کا دوسرا میچ ہے، اس سے قبل 2015 کے فائینل میچ میں کمار دھرماسینا کے ساتھ امپائرنگ کی تھی جہاں آسٹریلیا نے نیوزی لینڈ کے خلاف فتح حاصل کی تھی، جسے 93,000 سے زیادہ تماشائیوں نے دیکھا تھا۔ احمد آباد میں کل ہونے والے فائنل کے لیے بہت زیادہ ہجوم کی توقع ہے کیونکہ میزبان ملک کا مقصد ہوم سرزمین پر 2011 میں ہندوستان کی جیت کی تقلید کرنا ہے۔
ایلنگ ورتھ اور کیٹلبرو،دونوں کو نومبر 2009 میں ICC انٹرنیشنل لسٹ میں ترقی دی گئی، حالیہ سیمی فائنل میں آن فیلڈ امپائر کے طور پر خدمات انجام دیے۔ ایلنگ ورتھ نے نیوزی لینڈ کے خلاف ہندوستان کی جیت کی نگرانی کی، جب کہ جنوبی آفریقہ کے خلاف آسٹریلیا کی سنسنی خیز فتح کے دوران کیٹلبرو انچارج تھے۔ دونوں امپائر ماضی میں ڈیوڈ شیفرڈ ٹرافی کے وصول کنندگان ہیں، جسے آئی سی سی کے امپائر آف دی ایئر سے نوازا جاتا ہے۔ کیٹلبرونے یہ اعزاز مسلسل تین سالوں (2013-2015) میں حاصل کیا، جبکہ ایلینگ ورتھ نے 2019 اور 2022 میں یہ اعزاز حاصل کیا۔
آنے والے فائنل کے لیے، جوئل ولسن تھرڈ امپائر کے طور پر شامل ہوں گے، کرس گیفانی چوتھے امپائر کے طور پر اور اینڈی پائکرافٹ میچ ریفری کے طور پر شامل ہوں گے — یہ سبھی سیمی فائنل میں ذمہ داریوں کے ساتھ تھے.
آئی سی سی مینز کرکٹ ورلڈ کپ 2023 فائنل، انڈیا بمقابلہ آسٹریلیا، احمد آباد، 19 نومبر کے لیے میچ آفیشلز کی لسٹ اس مطابق ہے:
آن فیلڈ امپائرز: رچرڈ ایلنگ ورتھ اور رچرڈ کیٹلبرو
تھرڈ امپائر: جوئل ولسن
فورتھ امپائر: کرس گیفانی
میچ ریفری: اینڈی پائکرافٹ
