Pat Cummins returns, Josh Hazlewood out of Ashes and Test season-AFP
آسٹریلوی کپتان پیٹ کمنز اور فاسٹ بولر جوش ہیزل ووڈ انجری کے باعث برسبین میں ہونے والے دوسرے ایشز ٹیسٹ کے لیے دستیاب نہیں ہوں گے۔
کمر کے تناؤ سے صحت یاب ہونے والے کمنز ٹیم کے ساتھ سفر تو کریں گے لیکن میدان میں نہیں اتریں گے، جبکہ ہیزل ووڈ ہیمسٹرنگ انجری سے بحالی کے عمل میں ہیں۔
پرتھ میں کمر کی تکلیف کا شکار ہونے والے اوپنر عثمان خواجہ کو میڈیکل نگرانی کے باوجود اسکواڈ میں برقرار رکھا گیا ہے۔
آسٹریلیا افتتاحی ٹیسٹ میں انگلینڈ کو آٹھ وکٹوں سے شکست دے کر سیریز میں 1-0 کی برتری حاصل کرچکا ہے اور گابا ٹیسٹ میں قیادت ایک بار پھر اسٹینڈ اِن کپتان اسٹیو اسمتھ کریں گے۔ مچل اسٹارک، اسکاٹ بولانڈ اور برینڈن ڈوگیٹ پر مشتمل پیس اٹیک دوسری بار ذمہ داری سنبھالے گا۔
آسٹریلیا کا اسکواڈ:
اسٹیو اسمتھ (کپتان)، سکاٹ بولانڈ، ایلکس کیری، برینڈن ڈوگیٹ، کیمرون گرین، ٹریوس ہیڈ، جوش انگلیس، عثمان خواجہ، مارنس لیبوشین، نیتھن لیون، مائیکل نیسر، مچل اسٹارک، جیک ویدرالڈ، بیو ویبسٹر۔
