اردو انٹرنیشنل (اسپورٹس ویب ڈیسک) تفصیلات کے مطابق اٹلی کے ٹینس سٹار عالمی نمبر ون یانک سنر اور امریکا کے ٹینس کھلاڑی ٹیلر فریٹز اپنی شاندار کارکردگی کی بدولت اے ٹی پی فائنلز کے سیمی فائنل میں پہنچ گئے۔
اے ٹی پی فائنلز گروپ میچز اٹلی کے شہر ٹورن کے انالپی ایرینامیں جاری ہیں، اے ٹی پی فائنلز کے گروپ مرحلے میں مردوں کے سنگلز مقابلوں کے دوسرے میچ میں23 سالہ اطالوی ٹینس سٹار یانک سنر نے عمدہ کھیل پیش کرتے ہوئے روس کے حریف ٹینس سٹار اور فورتھ سیڈڈ ڈینیئل مدویدیف کو سٹریٹ سیٹس میں 3-6 اور 4-6 سے ہرا کر اے ٹی پی فائنلز کے سیمی فائنل کے لئے کوالیفائی کرلیا ۔
ایک اور میچ میں امریکا کے ٹیلر فریٹز نے شاندار کارکردگی کا مظاہرہ کرتے ہوئے آسٹریلیا کے ٹینس سٹار ایلکس ڈی مینور کو 7-5 ، 4-6 اور 3-6 سے شکست دے کر سیمی فائنل کے لئے کوالیفائی کرلیا۔
