Abbottabad administration order to vacate PFF ground, Photo-PFF
اردو انٹرنیشنل اسپورٹس ویب ڈیسک تفصیلات کے مطابق ضلعی انتظامیہ ایبٹ آباد نےیکطرفہ کارروائی کرتے ہوئے پی ایف ایف کی 30 سالہ لیز قبل از وقت منسوخ کر دی جوکہ فیفا گول پروجیکٹ پاکستان کے لیے ایک بڑا دھچکا ہے ۔
ایبٹ آباد ضلعی انتطامیہ نے پی ایف ایف کو گراونڈ خالی کرنے کے احکامات جاری کیے ہیں ۔ جس سے ساف انڈر17چیمپئن شپ کی تیاری کیلئے قومی انڈر 17 ٹیم کا تربیتی کیمپ متاثر ہوگا کیونکہ قومی ٹیم کا تربیتی کیمپ اسی گراونڈ میں شیڈول ہے ۔
پی ایف ایف کی نارملائزیشن کمیٹی کے چیئرمین ہارون ملک نے کہا کہ ، ضلعی انتظامیہ ایبٹ اباد کے اس فیصلے سے کھیل اور کھلاڑی دونوں متاثر ہوں گے ، وزیر اعلیٰ خیبر پختون خواہ سے درخواست ہے کہ وہ اس واقعہ کا فوری نوٹس لیں۔
جبکہ این سی ممبر شاہد کھوکھر کا کہنا ہے کہ : ضلعی انتظامیہ ایبٹ اباد کا یہ فٹبال سرگرمیوں کے لیے انتہائی غیر سنجیدہ فیصلہ ہے، انہوں نے مزید کہا کہ اس فیصلے سے فیفا کی کروڑوں کی سرمایہ کاری ضائع ہونے کا بھی خدشہ ہے ۔
