Tottenham beat Manchester United to reach Carabao Cup semi-finals Photo-Reuters
اردو انٹرنیشنل (اسپورٹس ویب ڈیسک) تفصیلات کے مطابق ٹوٹنہم نے ایک سنسنی خیز مقابلے میں مانچسٹر یونائیٹڈ کو4-3 سے شکست دی اور کاراباؤ کپ کے سیمی فائنل کے لیے کوالیفائی کر لیا۔
ٹوٹنہم نے پہلے 30 منٹ میں ہی 3-0 کی برتری حاصل کر لی تھی، لیکن ان کے گول کیپر فریزر فورسٹر کی دو بڑی غلطیوں کی وجہ سے مانچسٹر یونائیٹڈ کو واپسی کا موقع ملا۔
Photo-Reuters
میچ کے آغاز میں ڈومینک سولانکے نے پہلے ہاف میں یونائیٹڈ کیپر الٹائے بایندر کی غلطی سے فائدہ اٹھاتے ہوئے پہلا گول کیا۔ دوسرے ہاف کے آغاز میں دژان کلوسوسکی نے شاندار گول کیا، اور سولانکے نے 54ویں منٹ میں دوسرا گول کر کے برتری کو مزید مضبوط کیا۔ جس سے مانچسٹر یونائیٹڈ کو مزید مشکلات کا سامنا کرنا پڑا، تاہم، فورسٹر کی غلطیوں نے میچ کو دلچسپ بنا دیا۔ 63ویں منٹ میں ان کی خراب کلیئرنس برونو فرنانڈس نے روکی، جس سے جوشوا زرکزی نے آسان گول کیا۔ سات منٹ بعد فورسٹر کی ہچکچاہٹ نے عماد ڈیالو کو ایک اور گول کرنے کا موقع فراہم کیا۔
اس کے بعد ٹوٹنہم کی جانب سے سون ہیونگ من نےکھیل ختم ہونےسے دو منٹ قبل ایک کارنر کے ذریعے چوتھا گول کیا، جس نے ٹوٹنہم کی برتری کو مزید مستحکم کیا۔ یونائیٹڈ نے انجری ٹائم میں جونی ایونز کی بدولت ایک اور گول کیا، لیکن ٹوٹنہم نے برتری برقرار رکھی اور میچ 4-3 سے جیت کر سیمی فائنل کے لیے کوالیفائی کرلیا۔
