Pakistan and Korea draw 2-2
اردو انٹرنیشنل اسپورٹس ویب ڈیسک تفصیلات کے مطابق ایشین چیمپیئنز ہاکی ٹورنامنٹ میں پاکستان اور کوریا کے درمیان میچ سنسنی خیز مقابلے کے بعد 2-2 گول سے برابر ہوگیا۔
چین کے شہر ہولینبیور میں دوسرے کوارٹر کی شروعات میں کوریا کی جانب سے جنگوان نے گول اسکور کرکے کورین ٹیم کو ایک گول کی سبقت دلائی۔ بعد ازاں کھیل کے آخری کوارٹر کے آخری لمحات میں حنان شاہد نے لگاتار دو فیلڈ گول اسکور کرکے پاکستان کو سبقت دلائی۔ لیکن کوریا کے سونگیان نے آخری 8 سیکنڈز میں گول کرکے میچ دو دو گول سے برابر کر دیا۔
میچ کے آخری تین منٹوں کے دوران تین گول کیے گئے۔ شاندار پرفارمنس پر حنان شاہد کو میچ کا بہترین کھلاڑی قرار دیا گیا۔ واضح رہے کہ قومی ٹیم کا ملائیشیا کے خلاف میچ بھی برابری پر ختم ہوا تھا، پاکستانی ٹیم ٹورنامنٹ کا اپنا تیسرا میچ 11 ستمبر کو جاپان کے خلاف کھیلے گی۔
