اردو انٹرنیشنل اسپورٹس ویب ڈیسک تفصیلات کے مطابق جمعرات کو اسلام آباد میں 31ویں ایشین جونیئر انفرادی اسکواش چیمپئن شپ میں پاکستان کے آٹھ کھلاڑیوں نے مختلف کیٹیگریز میں سیمی فائنل کے لیے کوالیفائی کر لیا۔
انڈر 13 کیٹیگری کے کوارٹر فائنل میں فورتھ سیڈ سہیل عدنان نے سنگاپور کے 13ویں سیڈ جیکریش کمار کو 11-0، 11-7، 11-3 اور چھٹی سیڈ حذیفہ شاہد نے 15ویں سیڈ فواد خان کو11-6, 11-3, 9-4سے شکست دی۔
انڈر 15 کیٹگری کے کوارٹر فائنل میں غیر سیڈ عبداللہ زمان نے سنگاپور کے 10ویں سیڈ شیو کول کو 11-8، 11-8، 11-8 سے اور چوتھی سیڈ نعمان خان نے ملائیشیا کے چھٹے سیڈ سمرویر سنگھ کو 11-1، 11 -7، 11-8 سے شکست دی۔
انڈر 17 کیٹیگری کے کوارٹر فائنل میں ٹاپ سیڈ عبداللہ نواز نے بھارت کی چھٹی سیڈ یوشا نفیس کو 11-1، 11-7، 11-2 اور 14ویں سیڈ اذان علی نے یحییٰ اسد کو 11-7، 11-7، 11-4 سے شکست دی۔
انڈر 19 کیٹیگری کے کوارٹر فائنل میں 19 ویں سیڈ ایم عماد نے ہانگ کانگ کے پانچویں سیڈ ٹام تسز شنگ کو 11-8، 11-2، 11-9 اور ٹاپ سیڈ حمزہ خان نے 15 ویں سیڈ انس علی کو 11-8 11-8، 11-4سے ہرا دیا۔
اب سیمی فائنل میں حذیفہ کا مقابلہ ملائیشیا کے 12ویں سیڈ جولیس ٹین سے ہوگا، سہیل کا مقابلہ ملائیشیا کے پانچویں سیڈ ایم عفت سے، نعمان کا مقابلہ بھارت کے سیکنڈ سیڈ شیون اگروال سے، عبداللہ زمان کا مقابلہ ملائیشیا کے ٹاپ سیڈ ایم رازق سے ہوگا۔ اذان ملائیشیا کے سیکنڈ سیڈ نکھلیشور موگانا سندھرم کے خلاف کھیلے گی، عبداللہ نواز کا مقابلہ ملائیشیا کے تھرڈ سیڈ التمیس اکھار سے ہو گا، اور حمزہ ایم عماد سے کھیلیں گے۔
