Asian Throwing Championship: Pakistan's Yasir Ali won the silver medal
ایشین تھرونگ چیمپئن شپ :پاکستان کےیاسر علی نے چاندی کا تمغہ جیت لیا
اردو انٹرنیشنل (ما نیٹرنگ ڈیسک) تفصیلات کے مطابق پاکستان کے نوجوان جیولن تھرو کھلاڑی یاسر علی نے ہفتہ کو جنوبی کوریا میں منعقدہ دوسری ایشین تھرونگ چیمپئن شپ 2024 میں چاندی کا تمغہ حاصل کر لیا .
ایونٹ میں ایشیا کے مختلف ممالک کے 19 کھلاڑیوں نے حصہ لیا۔
یاسر 78.10 میٹر تھرو کے ساتھ رنر اپ رہے جبکہ پہلا مقام سری لنکن ایتھلیٹ رمیش تھرنگا نے حاصل کیا جنہوں نے 85.45 میٹر کی دوری سے تھرو کیا تھرنگا نے چیمپئن شپ میں اپنی کامیابی کے لیے گولڈ میڈل حاصل کیا۔
پاکستان ایتھلیٹکس فیڈریشن نے یاسر کو چاندی کا تمغہ جیتنے پر مبارکباد دی نوجوان کھلاڑی منگل کو وطن واپس پہنچیں گے۔
فیس بک پوسٹ میں یاسر نے اللہ تعالی، ان کی فیملی، کوچ فیاض بخاری اور اپنے خیر خواہوں کا شکریہ ادا کیا۔
یاسر پاکستان کے دوسرے جیولن پھینکنے والے کھلاڑی ہیں جنہوں نے بین الاقوامی سطح پر ملک کا نام روشن کیا اور پہلے نمبر پر ارشد ندیم ہیں۔
ندیم نے 28 اگست 2023 کو ہنگری کے بڈاپسٹ میں ہونے والی عالمی ایتھلیٹکس چیمپئن شپ میں اپنے بہترین 87.82 میٹر تھرو کے ساتھ اپنے ملک کے لیے پہلا تمغہ جیتنے والے پہلے پاکستانی بن کر تاریخ رقم کی۔
