تحریک لبیک پاکستان کا طوفان الاقصیٰ مارچ کا اعلان
اسلام آباد:نیشنل پریس کلب اسلام آباد میں تحریک لبیک پاکستان کے نائب امیر سید ظہیرالحسن شاہ نے پریس کانفرنس کرتے ہوئے کہا کہ پوری امت مسلمہ مظلوم فلسطینی عوام کے ساتھ ہے۔

انہوں نے کہا کہ فلسطینی عوام کو پاکستان سے بہت امیدیں ہیں۔
سید ظہیر الحسن نے اعلان کیا کہ 5 نومبر کو اسلام آباد میں طوفان الاقصیٰ مارچ کریں گے، فیض آباد سے ڈی چوک تک مارچ کیا جائے گا۔

خیال رہے کہ اسرائیل کی مقبوضہ فلسطین کے علاقے غزہ پر حملے جاری ہیں اور اسرائیلی طیاروں کی بمباری میں اب تک 9 ہزار227 فلسطینی شہید ہوچکےہیں۔

پاکستانی حکومت اور عوام مظلوم فلسطینوں پر مظالم کے خلاف سراپا احتجاج ہیں۔