دورانِ پرواز 28 منٹ تک سونے پر 2 پائلٹس معطل
اردو انٹرنیشنل ( مانیٹرنگ ڈیسک) تفصیلات کے مطابق پرواز کے دوران 2 انڈونیشن پائلٹس 28 منٹ تک سوتے رہے، معاملے سامنے آنے پر حکام نے پائلٹس کو عارضی طور پر معطل کرتے ہوئے تحقیقات شروع کردیں۔
تفصیلات کے مطابق یہ واقعہ25 جنوری کو اس وقت پیش آیا جب انڈونیشیا کی مقامی ایئرلائن ’باٹک ایئر‘ کا طیارہ سولاویسی سے جکارتہ جارہا تھا۔
ٹیک آف کےتقریباً آدھے گھنٹے بعد کپتان نے سیکنڈ ان کمانڈ کو طیارے کا کنٹرول سنبھالنے کی ہدایت کی اور کہا کہ وہ کچھ دیر کے لیے آرام کرنا چاہتا ہے۔
کو پائلٹ نے یہ درخواست منظور کرتے ہوئے طیارے کا کنٹرول سنبھال لیا لیکن دوران پرواز کو پائلٹ کی بھی انکھ لگ گئی۔
منزل قریب آنے پر ایئر ٹریفک کنٹرول کی جانب سے پرواز سے رابطہ شروع کیا گیا مگر ان کو کوئی جواب نہیں مل رہا تھا۔ رپورٹ کے مطابق آخری ریکارڈ شدہ ٹرانسمیشن کے 28 منٹ بعد، پائلٹ بیدار ہوا۔
جب پائلٹ نیند سے بیدار ہوا تو انہوں نے دیکھا کہ اس کے ساتھ ساتھی پائلٹ بھی سوتا رہا، دونوں پائلٹ کے سونے کے دوران طیارہ اپنے روٹ سے ہٹ گیا تھا۔
اس کے بعد پائلٹوں نے جکارتہ سے آنے والی کالز کا جواب دیا اور طیارے کو بحفاظت لینڈ کرنے میں کامیاب ہو گئے.
خوش قسمتی سے جہاز کے تمام 153 مسافر اور عملے کے ارکان محفوظ رہے۔
باٹک ایئر کو اس واقعے کے بعد انڈونیشیا کی وزارت ٹرانسپورٹ کی طرف سے سختی سے سرزنش کی گئی ہے.
انڈونیشیا کے ایئرٹرانسپورٹ کے سربراہ،ایم کرسٹی اینڈہ نے اس بات پر زور دیا کہ باٹک ایئر کو اپنے عملے کے آرام کے وقت پر زیادہ توجہ دینی چاہیے۔
باٹک ایئر نے کہا کہ دونوں پائلٹس کو عارضی طور پر معطل کر دیا گیا ہے۔ رپورٹس کے مطابق دونوں پائلٹس انڈونیشین تھے، اور ان کی عمریں 32 اور 28 سال کی بتائی جا رہی
