آئی ایم ایف کو خط لکھنے سے نقصان پاکستان کا ہوگا, سینیٹر عرفان صدیقی
اردو انٹرنیشنل(مانیٹرنگ ڈیسک) تفصیلات کے مطابق ڈپٹی چیئرمین کی زیرِ صدارت سینیٹ اجلاس کے دوران سینیٹر عرفان صدیقی نے اظہار خیال کرتے ہوئے کہا کہ سابق وزیر اعظم عمران خان کے دور میں بھی ہم آئی ایم ایف کے پاس گئے تھے، آئی ایم ایف کوئی شوق سے نہیں جارہا۔
عرفان صدیقی نے کہا کہ آئی ایم ایف سے متعلق پی ٹی آئی کا بیان افسوسناک ہے، پی ٹی آئی پاکستان کے مفادات کو نقصان پہنچانا چاہتی ہے۔
انہوں نے مزید کہا کہ پاکستان کے لیے بیرونی امداد کا راستہ روکنا کونسی حب الوطنی ہے۔
واضح رہے کہ گزشتہ روز تحریک انصاف کی طرف سی پارٹی کیلئے نامزد کردہ نئے چیئرمین بیرسٹر ظفر نے میڈیا سے بات چیت کرتے ہوئے کہا تھا کہ عمران خان عام انتخابات میں دھاندلی کے خلاف آئی ایم ایف کو خط لکھیں گے.
