وکٹر گیوکرس کی ہیٹ ٹرک،اسپورٹنگ سی پی نے مانچسٹر سٹی کو 4-1 سے شکست دے دی
اردو انٹرنیشنل ( اسپورٹس ڈیسک) اسپورٹنگ سی پی نے پرتگال کے دارالحکومت لزبن میں کھیلے گئے چیمپئنز لیگ کے ایک دلچسپ میچ میں مانچسٹر سٹی کو 4-1 سے شکست دے دی۔
میچ کے آغاز میں ہی فل فوڈن نے ایک شاندار شاٹ کے زریعے گول کر کے مانچسٹر سٹی کو برتری دلائی، اور پہلا ہاف مکمل طور پر ان کے کنٹرول میں رہا۔
مگر اچانک اسپورٹنگ کے کھلاڑی وکٹر گیوکرس کو نے ایک بہترین پاس کو گول میں تبدیل کرتے ہوئے اسکور 1-1 سے برابر کر لیا۔
دوسرے ہاف کے آغاز میں اسپورٹنگ کے کھلاڑی میکسیمیلیانو اراؤجو نے دوسرا گول کر کے اسپورٹنگ کی برتری کو مزید بڑھایا۔
صرف 120 سیکنڈ بعد اسپورٹنگ نے ایک اور گول کر دیا جب سٹی کے کھلاڑی جوسکو گیوارڈیول نے فرانسسکو ٹرنکاؤ کو باکس میں فاؤل کیا اور گیوکرس نے پنالٹی پر بال کو گول میں پہنچا دیا۔
میچ کی فضا مزید سنسنی خیز ہو گئی اور شائقین جوش میں آ گئے۔
سٹی کو واپسی کا موقع بھی ملا جب برنارڈو سلوا نے پنالٹی حاصل کی، مگر ایرلنگ ہالینڈ نے پنالٹی پر شاٹ مارا جو بار پر لگ گیا۔
اسپورٹنگ نے اس کا فائدہ اٹھایا اور جینی کیٹامو نے دوسری پنالٹی حاصل کی، جسے وکٹر گیوکرس نے اپنے ہیٹ ٹرک مکمل کرتے ہوئے گول میں تبدیل کر دیا۔
یہ اسپورٹنگ کے کوچ روبن اموریم کے لیے ایک یادگار رات تھی، کیونکہ اگلے ہفتے وہ مانچسٹر یونائیٹڈ کے ہیڈ کوچ بننے جا رہے ہیں۔
مانچسٹر سٹی نے چیمپئنز لیگ میں 2016 کے بعد پہلی بار چار گول کھائے۔
