بابر اعظم سمیت3 پاکستانی کھلاڑیوں کو بنگلہ دیش کے خلاف ٹیسٹ میں آرام دیئے جانے کا امکان
اردو انٹرنیشنل (اسپورٹس ڈیسک) تفصیلات کے مطابق ذرائع نے بدھ کو انکشاف کیا کہ کپتان شان مسعود، ہیڈ کوچ جیسن گلیسپی اور سلیکشن کمیٹی نے اگست میں بنگلہ دیش کے خلاف ٹیسٹ سیریز کے لیے پاکستان کےا سکواڈ سے متعلق بات چیت شروع کر دی ہے۔
امکان ہے کہ موجودہ وائٹ بال کے کپتان بابر اعظم، محمد رضوان اور شاہین شاہ آفریدی کو بنگلہ دیش کے خلاف ٹیسٹ میچوں کے لیے آرام دیا جائے گا جب کہ حارث رؤف کی ٹیم میں شمولیت پر بھی غور نہیں کیا جا رہا۔
سعود شکیل، عبداللہ شفیق، سلمان علی آغا اور سابق کپتان اور وکٹ کیپر بلے باز سرفراز احمد کو حتمی اسکواڈ میں شامل کرنے پر غور کیا جا رہا ہے۔
فاسٹ باؤلنگ کے شعبے کی بات کی جائے تو نسیم شاہ، شاہنواز دہانی، میر حمزہ، خرم شہزاد اور عامر جمال کی سلیکشن کے لیے غور جاری ہے۔
پاکستان اگست میں دو ٹیسٹ میچوں کی سیریز کے لیے بنگلہ دیش کی میزبانی کرے گا اور یہ سیریز 2019-2020 کے بعد پہلی بار ہو گی جب پاکستان میزبانی کرے گا یہ سیریز آئی سی سی ورلڈ ٹیسٹ چیمپئن شپ 2023-2025 کا حصہ بنے گی۔
یہ سیریز اپریل میں اپنی تقرری کے بعد پاکستان ٹیسٹ ٹیم کے ہیڈ کوچ کے طور پر گلیسپی کی پہلی اسائنمنٹ ہوگی اور گزشتہ سال کے آخر میں ان کی تقرری کے بعد مسعود کی دوسری اسائنمنٹ ہوگی۔ انہوں نے سب سے پہلے آسٹریلیا کے خلاف تین ٹیسٹ میچوں کی سیریز میں ٹیم کی قیادت کی جس میں پاکستان کو آسٹریلیانے 3-0 سے شکست دی۔
مسعود اس وقت کاؤنٹی چیمپئن شپ میں یارکشائر کاؤنٹی کرکٹ کلب کی نمائندگی اور کپتانی کر رہے ہیں۔
