T20 World Cup 2024: Will Rizwan, Azam, Haris be part of the squad?
اردو انٹرنیشنل (اسپورٹس ڈیسک) تفصیلات کے مطابق دورہ آئرلینڈ اور انگلینڈ کے لیے پاکستانی اسکواڈ کو سلیکٹرز آئندہ چند روز میں حتمی شکل دے سکتے ہیں۔
دی نیوزکے مطابق سلیکٹرز انگلینڈ اور آئرلینڈ میں ہونے والے ٹی ٹوئنٹی میچوں کے لیے ٹیم کو حتمی شکل دینے سے قبل چار زخمی کھلاڑیوں حارث رؤف، اعظم خان، محمد رضوان اور عرفان خان نیازی کی تازہ صورتحال کا انتظار کر رہے ہیں۔
سلیکٹرز کی جانب سے آئرلینڈ اور انگلینڈ میں کھلاڑیوں کی کارکردگی کا جائزہ لینے کے بعد جون میں شروع ہونے والے ٹی ٹوئنٹی ورلڈ کپ کے لیے اسکواڈ کا اعلان کرنے کا بھی امکان ہے۔
ورلڈ کپ کے لیے 15 رکنی اسکواڈ کو حتمی شکل دینے کے لیے ہمارے پاس کافی وقت ہے آئی سی سی نے پہلے ہی ٹی ٹوئنٹی ورلڈ کپ کے لیے 15 کھلاڑیوں کے نام جمع کرانے کے لیے 25 مئی کی آخری تاریخ مقرر کر رکھی ہے اس وقت ورلڈ کپ سکواڈ کا اعلان کرنا کوئی عقلمندی نہیں ہے ٹیم کا نام دینے سے پہلے ہم آئرلینڈ اور انگلینڈ کی سیریز کے دوران کھلاڑیوں کی پیشرفت دیکھنے کے موقع سے فائدہ اٹھا سکتے ہیں۔
سلیکٹرز کو کھلاڑیوں کی فٹنس کے بارے میں اپ ڈیٹ ملنے کے بعد آئرلینڈ کے خلاف تین میچوں کی سیریز کے لیے ٹیم کا اعلان کر دیا جائے گا۔
عہدیدار نے مزید کہا کہ محمد رضوان، اعظم خان اور عرفان خان نیازی کی فٹنس تقریباً بحال ہو چکی ہے، جب کہ حارث رؤف جنہوں نے جنوری سے اب تک کوئی انٹرنیشنل یا نیشنل ایونٹ نہیں کھیلا ہے، ان کی فٹنس بحال نہیں ہوئی ہے حالانکہ وہ ان دنوں لاہور میں ٹریننگ میں مصروف ہیں۔ امید ہے کہ حارث کو آئرلینڈ اور انگلینڈ کے خلاف سلیکشن کے لیے سمجھا جائے گا۔
ٹیم کی آئرلینڈ روانگی سے قبل ایک مختصر تربیتی کیمپ 3 مئی سے لاہور میں شروع ہونے کا امکان ہے۔
دریں اثنا، پیر کو تقریباً 25 پاکستانی کرکٹرز اور 21 آفیشلز نے امریکی سفارت خانے میں بائیو میٹرکس کرائے ہیں۔
