سپریم کورٹ:8 فروری کے انتخابات کو کالعدم قرار دینے کی درخواست سماعت کے لیے مقرر
سپریم کورٹ آف پاکستان نے آٹھ فروری کو ہونے والے عام انتخابات کو کالعدم قرار دینے کی درخواست سماعت کے لیے مقرر کر دی ہے.
چیف جسٹس قاضی فائز عیسیٰ کی سربراہی میں تین رکنی بینچ 19 فروری کو درخواست کی سماعت کرے گا۔ بینچ میں جسٹس محمد علی مظہر اور جسٹس مسرت ہلالی بھی شامل ہیں۔
واضح رہے کہ یہ درخواست ریٹائرڈ بریگیڈیئر علی خان کی جانب سے سپریم کورٹ میں دائر کردی گئی تھی. درخواست میں موقف اپنایا گیا کہ انتخابی دھاندلی اور نتائج میں تاخیر پر زمہ داروں کے خلاف کاروائی کے اقدامات جاری کیے جائے. اور سپریم کورٹ اپنی نگرانی میں 30 دن کے اندر نئے انتخابات کا حکم دے۔
یاد رہے کہ موجودہ حالات میں پاکستان تحریک انصاف کے علاوہ متعدد بڑی سیاسی جماعتیں حالیہ انتخابات میں دھاندلی کے الزام عائد کرتے ہوئے احتجاج کر رہی ہیں۔
الیکشن2024: 8 فروری کو افغانستان اور ایران کے ساتھ بارڈر بند رہے گا،دفتر خارجہ
