بھارتی شہر دہرادون میں چوری شدہ ریڈیو ایکٹیو ڈیوائس برآمد، 5 افراد گرفتار
اردو انٹرنیشنل (مانیٹرنگ ڈیسک) ممبئی کے بھابھا اٹامک انرجی سینٹر سے چوری شدہ ریڈیو ایکٹیو ڈیوائس رکھنے کے الزام میں جمعہ کے روز بھارتی شہر دہرادون میں پانچ افراد کو گرفتار کیا گیا۔ یہ ڈیوائس ایک ریڈیو گرافی کیمرہ ہے جو سابق انکم ٹیکس کمشنر شویتابھ سمن کی رہائش گاہ سے برآمد کیا گیا تھا.واضح رہے کہ شویتابھ سمن کو پہلے بھی آمدنی سے زائد اثاثے جمع کرنے کے جرم میں جیل بھیجا گیا تھا۔
یہ گرفتاریاں راج پور پولیس کو ملنے والی خفیہ اطلاع کے بعد کی گئیں۔
ایس ایچ او راج پور پی ڈی بھٹ نے TNIE کو بتایا کہ پولیس کو بروک ووڈ سوسائٹی میں شویتابھ سمن کے فلیٹ میں آنے والے کچھ مشتبہ افراد کے بارے میں اطلاع ملی، جو ممکنہ طور پر تابکار مواد اور دیگر اشیاء لے کر جا رہے تھے۔ موصول ہونے والی معلومات کے مطابق یہ افراد مبینہ طور پر ڈیوائس کی خرید و فروخت کے بارے میں بات کر رہے تھے۔ اطلاع ملنے پر راج پور پولیس کی ٹیم موقع پر پہنچی اور پانچ لوگوں کو حراست میں لے لیا.
بھٹ نے وضاحت کی کہ پولیس نے جائے وقوعہ پر موجود پانچ افراد سے جو ڈیوائس برآمد کی ہے اس پر “ریڈیو گرافی کیمرا ” لکھا ہے جو تیار کردہ بورڈ آف ریڈی ایشن اینڈ آاسوٹوپ ٹیکنالوجی، حکومت ہند، محکمہ جوہری توانائی ہے .
انہوں نے مزید کہا کہ ایک بلیک باکس ملا جس میں انتباہی لیبل ہے جس سے ظاہر ہوتا ہے کہ اس میں تابکار مواد موجود ہے اور اسے کھولنے سے تابکاری کا خطرہ لاحق ہو سکتا ہے۔
ملزمین بشمول تبریز عالم، سمیت پاٹھک، اور آگرہ، دہلی اور مدھیہ پردیش کے تین دیگر کے خلاف تعزیرات ہند کی دفعہ 270، 271 اور 272 کے تحت مقدمہ درج کیا گیا ہے۔
دہرادون کے ایس ایس پی اجے سنگھ کا کہنا ہے کہ تفتیش جاری ہے، اور مزید گرفتاریوں کا امکان ہے۔
پولیس ممکنہ دہشت گردی کے زاویے سے تفتیش کر رہی ہے، کیونکہ ملزمان دہلی اور فرید آباد کے لوگوں سے رابطے میں تھے۔
اگرچہ ابتدائی تحقیقات نے تجویز کیا کہ آلہ تابکار ہو سکتا ہے، نارورا اٹامک پاور سٹیشن کی ریڈی ایشن ایمرجنسی رسپانس ٹیم کو کوئی تابکار مواد نہیں ملا۔ ڈیوائس کو مزید جانچ کے لیے بھابھا اٹامک ریسرچ سینٹر بھیج دیا گیا ہے۔
