شان مسعود کی کاؤنٹی چیمپئن شپ میں سنچری
اردو انٹرنیشنل (اسپورٹس ڈیسک) تفصیلات کے مطابق یارکشائر کے کپتان شان مسعود نے کاؤنٹی چیمپئن شپ ڈویژن 2کے 28ویں میچ میں نارتھمپٹن شائر کے خلاف سنچری بنائی۔
یارکشائر کی دوسری اننگز میں مسعود نے 152 گیندوں پر 13 چوکوں اور چار چھکوں کی مدد سے 131 رنز بنائے جس سے ان کی ٹیم ٹورنامنٹ کے پانچویں راونڈمیں پہنچ گئی۔
میچ کی پہلی اننگز میں یارکشائر نے 362 رنز بنائے جس کے مجموعی اسکور میں مسعود نے 60 رنز کا حصہ ڈالا یارکشائر کی طرف سے ایک اور قابل ذکر کارکردگی ایڈم لیتھ کی تھی جنہوں نے 205 گیندوں پر 109 رنز بنا کر سنچری بھی بنائی۔
شان مسعود کی یہ سیزن کی دوسری سنچری ہے اس نے ٹورنامنٹ کے میچ 6 میں گلوسٹر شائر کے خلاف کاؤنٹی چیمپئن شپ 2024 میں اپنی پہلی سنچری اسکور کی۔
انہوں نے 184 گیندوں پر 140 رنز بنائے اور دوسری اننگز میں 52 گیندوں پر 40 رنز جوڑے۔
یارکشائر نے اس سیزن میں سات میچ کھیلے ہیں اور دو میں سسیکس اور مڈل سیکس کے خلاف شکست ہوئی ہے باقی ڈرا ہو چکے ہیں۔
یاد رہے کہ مسعود کو گزشتہ سال یارکشائر کا کپتان مقرر کیا گیا تھا اور انہوں نے گزشتہ سیزن میں 720 رنز بنائے تھے یارکشائر اپنے 14 میچوں میں صرف تین جیت اور دو ہار کے ساتھ پوائنٹس ٹیبل پر ساتویں نمبر پر ہے.
بابر اعظم کے مستعفی ہونے کے بعد مسعود کو گزشتہ سال کے آخر میں پاکستان کی ٹیسٹ ٹیم کا کپتان بھی مقرر کیا گیا تھا۔
