سعودی ولی عہد کا شہباز شریف سے ٹیلی فونک رابطہ، عہدہ سنبھالنے پر مبارکباد
اردو انٹرنیشنل (مانیٹرنگ ڈیسک) وزیراعظم شہباز شریف سے سعودی ولی عہد نے محمد بن سلمان ٹیلی فونک رابطہ کرکے عہدہ سنبھالنے پر مبارکباددی، وزیراعظم شہباز شریف نے نیک خواہشات اور مبارکباد کے پیغامات بھیجنے پر سعودی ولی عہد کا شکریہ ادا کیا.
وزیر اعظم نے ٹیلی فون کال کے ساتھ ساتھ وزیر اعظم کے عہدہ سنبھالنے کے فوراً بعد بھیجے گئے مبارکباد کے پیغام پرسعودی ولی عہد کااس پر بھی شکریہ ادا کیا۔
وزیراعظم نے خادم حرمین الشریفین سلمان بن عبدالعزیز کی صحت یابی کیلئے دعا کی۔پاکستان کے عوام خادم حرمین الشریفین اور سعودی ولی عہد کا احترم کرتے ہیں۔
شہباز شریف نے سعودی قیادت اور سعودی عوام کو رمضان کی مبارکباد دیتے ہوئے کہا کہ دعا ہے کہ ماہ مقدس کی بدولت تمام دنیا کے مسلمانوں کیلئے امن و خوشحالی ہو، پاکستان کے سعودی عرب کے ساتھ تاریخی، ثقافتی اور گہرے بردرانہ تعلقات ہیں۔
انہوں نے کہا کہ دونوں ممالک نے ہر مشکل وقت میں ایک دوسرے کی مدد کی، وزیراعظم نے سعودی عرب کی پاکستان کیلئے غیر متزلزل حمیات اور مدد پر شکریہ ادا کیا
اس کےعلاوہ شہباز شریف نے سعودی ولی عہد کو پاکستان کے دورے کی دعوت بھی دی، انہوں نے کہا کہ پاکستان کے عوام سعودی ولی عہد کے گرم جوشی سے استقبال کے منتظر ہیں۔
جس پر سعودی ولی عہد محمد بن سلمان نے وزیراعظم شہباز شریف کا شکریہ ادا کیا اور کہا کہ دونوں ممالک کے درمیان گہرے برادرانہ تعلقات ہیں، انہوں نے پاکستان کی غیر متزلزل حمایت جاری رکھنے کے عزم کا اعادہ بھی کیا۔
