آئی سی سی ٹیسٹ رینکنگ میں ساجد اور نعمان کی ترقی

اردوانٹرنیشنل (اسپورٹس ڈیسک) تفصیلات کے مطابق پاکستان کی اسپنر نعمان علی، ساجد خان اور ابرار احمد نے ملتان میں ویسٹ انڈیز کے خلاف پہلے ٹیسٹ میں شاندار کارکردگی کے بعد آئی سی سی کی تازہ ترین ٹیسٹ رینکنگ میں ترقی کی ہے۔

نعمان، جنہوں نے میچ میں شاندار 6 وکٹ حاصل کیں، نے آئی سی سی ٹیسٹ باؤلر کی درجہ بندی میں ٹاپ 10 میں شاندار واپسی کی ہے۔

اب وہ 761 ریٹنگ پوائنٹس کے ساتھ نویں نمبر پر ہیں۔

سیریز کے ابتدائی میچ میں 9 وکٹ لینے کے بعد پلیئر آف دی میچ قرار پانے والے ساجد 18 درجے کی چھلانگ لگا کر 621 پوائنٹس کے ساتھ 23 ویں نمبر پر پہنچ گئے۔

ابرار احمد کی میچ جیتنے والی کارکردگی، جس میں 4 وکٹ کا ایک اہم اسپیل شامل تھا،406 ریٹنگ پوائنٹس کے ساتھ چھ درجے چڑھ کر 52 ویں نمبر پر ہیں۔

آئی سی سی ٹیسٹ باولر کی درجہ بندی میں بھارت کے جسپریت بمراہ پہلے، آسٹریلیا کے پیٹ کمنز دوسرے اور جنوبی افریقہ کے کگیسو ربادا تیسرے نمبر پر ہیں۔

بیٹنگ کے محاذ پر، سعود شکیل نے حالیہ ٹیسٹ میں شاندار 84 رنز کی اننگز کے بعد 753 ریٹنگ پوائنٹس کے ساتھ تین درجہ ترقی کرتے ہوئے آٹھویں پوزیشن پر واپسی کی ہے۔

وکٹ کیپر بلے باز محمد رضوان بھی ویسٹ انڈیز کے خلاف عمدہ کارکردگی کے بعد 2 درجے ترقی کرکے 17ویں نمبر پر پہنچ گئے۔

تاہم بابر اعظم ایک درجہ تنزلی کے ساتھ چار درجے گر کر 16 ویں نمبر پر ہیں سلمان علی آغا بھی پانچ درجے تنزلی کے ساتھ 27 ویں نمبر پر پہنچ گئے جبکہ کپتان شان مسعود تین درجے بہتری کے ساتھ 42 ویں نمبر پر پہنچ گئے۔

آئی سی سی ٹیسٹ بلے بازوں کی رینکنگ میں انگلینڈ کے جو روٹ بدستور پہلے نمبر پر براجمان ہیں، ہیری بروک دوسرے اور نیوزی لینڈ کے کین ولیمسن تیسرے نمبر پر ہیں۔