رمیز ابراہیم نے مسٹر یونیورس میں گولڈ میڈل جیت لیا
اردو انٹرنیشنل (اسپورٹس ڈیسک) رمیز ابراہم نے 2024 کے مسٹر یونیورس مقابلے میں گولڈ میڈل جیت لیا، جو ورلڈ فٹنس فیڈریشن نے لاس ویگاس، امریکہ میں منعقد کروایا تھا۔
ابراہیم نے اس حوالے سے اپنے انسٹاگرام اکاونٹ پر خوشی کا اظہار کیا۔
یہاں یہ بات قابل ذکر ہے کہ اس ایونٹ میں پاکستان کے علاوہ 44 دیگر ممالک نے بھی شرکت کی۔
سونے کا تمغہ جیتنے کے علاوہ، رمیز اِبراہیم نے پرو کارڈ کیساتھ پروفیشنل ایتھلیٹ کا اعزاز بھی حاصل کیا۔
تمغہ جیتنے کے بعد، انہوں نے اپنے انسٹاگرام اکاونٹ پر ایک پوسٹ میں ان لوگوں کا ذکر کیا جو ان کی کامیابی پر شک کر رہے تھے۔
اس سے پہلے، انہوں نے عالمی مقابلے میں نامزد ہونے پر خوشی کا اظہار کیا تھا۔
واضح رہے کہ رمیز ابراہیم نے 2022 میں تھائی لینڈ میں تین عالمی ٹائٹل جیتے تھے۔ وہ اس سنگ میل کو حاصل کرنے والے پہلے پاکستانی باڈی بلڈر تھے۔
