بھارت میں مسجد کو مسمار کرنے کے خلاف احتجاج جاری
اردو انٹرنیشنل (مانیٹرنگ ڈیسک) بھارت میں دہلی میں احتجاجی مظاہرے ہورہے ہیں جہاں حکام نے مبینہ تجاوزات کی وجہ سے ایک مسجد کے کچھ حصوں کو بلڈوز کر دیا ہے۔
گزشتہ ایک ماہ میں ملک بھر میں متعدد مذہبی مقامات کو غیر قانونی قرار دے کر منہدم کر دیا گیا ہے۔
دہلی میونسپل کارپوریشن (ایم سی ڈی) جو تجاوزات ہٹانے کا کام کر رہی تھی نے کہا کہ اس مہم کو عارضی طور پر روک دیا گیا تھا کیونکہ لوگوں کی ایک بڑی تعداد نے اس علاقے میں تجاوزات ہٹانے والی مشینوں کے داخلے کو روکنے کے لئے مزاحمت کی تھی۔
میونسپل کارپوریشن کے ایک بیان کے مطابق خواتین مظاہرین کی موجودگی نے امن و امان کی صورتحال کو پیچیدہ بنا دیا۔
تاہم ایم سی ڈی کے ایک اہلکار نے بتایا کہ انہوں نے صبح 7 بجے کے قریب احتجاج شروع ہونے سے قبل 20 میٹر غیر قانونی تجاوزات کو ہٹا دیا تھا، انہوں نے کہا کہ ہائی کورٹ کی منظوری کے بعد دیوار کو گرایا جا رہا ہے۔
انتظامیہ کا کہنا ہے کہ یہ اقدام غیر مجاز مذہبی تجاوزات سے نمٹنے اور عوامی مقامات کی سالمیت کو برقرار رکھنے کی ہماری جاری کوششوں کا حصہ تھا. ایم سی ڈی نے اپنے بیان میں مزید کہا کہ انہوں نے امن و امان کو برقرار رکھنے کے لیے پولیس کے مشورے پر اس مہم کو روکا۔
دریں اثناء ایک سینئر پولیس افسر نے احتجاج کے دوران تشدد کی افواہوں کو مسترد کر دیا۔ انہوں نے کہا کہ احتجاج پرامن تھا اور ہجوم جلد ہی منتشر ہو گیا۔
