وزیراعظم شہباز شریف ،مولانا فضل الرحمان سے ملاقات کے لئے انکی رہائشگاہ پہنچ گئے
اردو انٹرنیشنل (مانیٹرنگ ڈیسک) مولانا فضل الرحمان نے وزیراعظم کی آمد پر خیر مقدم کیا.
تفصیلات کے مطابق وزیر اعظم شہباز شریف سے مولانا فضل الرحمٰن کی ملاقات ہوئی، وزیر اعظم نے مولانا فضل الرحمٰن کی خیریت دریافت کی۔
اس موقع پر شہباز شریف کا کہنا تھا کہ مولانا نے ہمیشہ جمہوری اقدارکی حفاظت کے لیے پر امن جدوجہد کو فروغ دیا۔
وزیراعظم شہباز شریف نے مولانا فضل الرحمٰن کی دینی خدمات کی بھی تعریف کی، ملاقات کے دوران وزیر اعظم نے سیاسی مسائل کے باہمی تعاون سے حل کے لیے کمیٹی تشکیل دینے کی تجویز بھی پیش کردی۔
واضح رہے کہ چند روز قبل پاکستان تحریک انصاف (پی ٹی آئی) نے مولانا فضل الرحمٰن کے ساتھ مل کر حکومت کے خلاف جلد تحریک شروع کرنے کا اعلان کیا تھا۔
