Participation open for National Women's Football Club Championship 2024: PFF
اردو انٹرنیشنل اسپورٹس ویب ڈیسک تفصیلات کے مطابق پاکستان فٹ بال فیڈریشن نے نیشنل ویمنز فٹ بال کلب چیمپئن شپ 2024 کی درخواستیں وصول کرنا شروع کردی ہیں ۔ ایونٹ میں گروپ مرحلے کے ابتدائی میچز چار بڑے شہروں لاہور، کراچی، اسلام آباد اور کوئٹہ میں ہوں گے۔
پی ایف ایف کی جانب سے جاری کردہ پریس ریلیز کے مطابق پاکستان فٹ بال کنیکٹ (پی ایف سی) کے رجسٹرڈ کلبوں کو دعوت نامے پہلے ہی بھیجے جا چکے ہیں جبکہ تصدیقی فارم
qjamshaid.pff@gmail.com اور hussain.pff@gmail.com
پر شیئر کیے جا سکتے ہیں۔ نیشنل ویمنز فٹ بال کلب چیمپئن شپ 2024 کے لیے پی .ایف.سی رجسٹرڈ کلبوں ے فارم جمع کرانے کی آخری تاریخ 9 جولائی 2024 ہے۔
ابتدائی گروپ مرحلے کا شیڈول حصہ لینے والی ٹیموں کی حتمی تصدیق کے بعد جاری کیا جائے گا۔ اس کے علاوہ تمام کھلاڑیوں کی حفاظت اور بہبود کو یقینی بنانے کے لیے حفاظتی ورکشاپ کا انعقاد کیا جائے گا۔
