پی سی بی نے لیوک رونچی سے ہیڈ کوچ کے لیے رابطہ کر لیا

اردو انٹرنیشنل(اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) نے نیوزی لینڈ کے سابق کرکٹر لیوک رونچی سے ہیڈ کوچ کے عہدے کے لیے رابطہ کیا ہے۔

ذرائع نے کہا کہ نیوزی لینڈ کے موجودہ بیٹنگ کوچ رونچی، نے کسی فیصلے تک پہنچنے سے پہلے کچھ وقت مانگا ہےرونچی، نے گزشتہ سال پی سی بی کی پیشکش مسترد کر دی تھی جس کے بعد گرانٹ بریڈ برن، کو تعینات کیا گیا تھا۔

رونچی ،نے نیوزی لینڈ اپنے پیدائشی ملک اور آسٹریلیا دونوں کی نمائندگی کرنے کا نادر کارنامہ انجام دیا۔

انہوں نے 2008 میں آسٹریلیا کے لیے محدود اوورز کا ڈیبیو کرنے کے بعد چار ٹیسٹ، 85 ون ڈے اور 33 ٹی ٹوئنٹی میچز کھیلےلیگ کرکٹ میں وہ گیانا ایمیزون واریئرز، اسلام آباد یونائیٹڈ، ممبئی انڈین اور پرتھ سکارچرز کے لیے کھیل چکے ہیں۔

یہ پیش رفت شین واٹسن، مائیک ہیسن اور ڈیرن سیمی کی جانب سے پاکستانی ٹیم کی کوچنگ سے انکار کے بعد سامنے آئی ہے
واٹسن اپنی موجودہ کوچنگ اور کمنٹری کے وعدوں کو مختصر نوٹس پر چھوڑنے کے بجائے ان کا احترام کرنا چاہتا ہے۔

دریں اثنا، سیمی نے وائٹ بال ٹیموں کے ہیڈ کوچ کی حیثیت سے ویسٹ انڈیز بورڈ کے ساتھ اپنے موجودہ معاہدے کا حوالہ دیتے ہوئے پی سی بی سے رجوع کرنے سے انکار کردیا۔

محسن نقوی، کی قیادت میں پی سی بی کرکٹ ٹیم کے لیے مضبوط کوچنگ اسٹاف مقرر کرنے میں دلچسپی رکھتا ہے۔

نیوزی لینڈ کے خلاف ہوم گراؤنڈ پر ہونے والی ٹی ٹوئنٹی سیریز کے لیے وقت پر خالی جگہ کو پُر کرنے کے لیے پی سی بی غیر ملکی کنسلٹنٹس کے ساتھ مقامی کوچز کی تقرری کے امکان پر بھی غور کر رہا ہے۔

پاکستان اور نیوزی لینڈ کے درمیان پانچ میچوں کی ٹی ٹوئنٹی سیریز کا آغاز 18 اپریل سے ہوگا۔