پاکستانی کوہ پیما ثمرخان نے ایشیا سے باہر دنیا کی بلند ترین چوٹی کو سرکرلیا

اردو انٹرنیشنل (اسپورٹس ویب ڈیسک) تفصیلات کے مطابق پاکستانی کوہ پیما ثمر خان کا ایک اور کارنامہ، جنوبی امریکا میں ایک اور چوٹی کو سرکرلیا ہے۔

ثمر خان نے ارجنٹینا میں واقع 6 ہزار 961 میٹر بلند ماؤنٹ اکونکاگوا کو سرکیا۔ واضح رہے کہ ماؤنٹ اکونکاگوا ایشیا سے باہر دنیا کی بلند ترین چوٹی ہے۔

ان کا کہنا تھا سخت موسم اور تیز ہواؤں میں چوٹی سر کرنا بہت بڑا چیلینج تھا۔ خدا کا شکر ہے کہ سخت موسم اور مشکل حالات کے باوجود چوٹی سر کرنے میں کامیاب ہوئی۔