پاکستان ویسٹ انڈیز ٹی ٹوئنٹی سیریز ٹرافی کی رونمائی

اردو انٹرنیشنل (اسپورٹس ڈیسک) تفصیلات کے مطابق پاکستان اور ویسٹ انڈیز کی خواتین کے درمیان پانچ میچوں کی ٹی ٹوئنٹی سیریز کی ٹرافی کی جمعرات کو یہاں نیشنل بینک اسٹیڈیم میں رونمائی کی گئی۔

شاندار ٹرافی کی نقاب کشائی پاکستان کی کپتان ندا ڈار اور ان کے ویسٹ انڈیز ہم منصب ہیلی میتھیوز نے ان کی پری سیریز پریس کانفرنس سے قبل کی۔

ٹی ٹوئنٹی میچز شام 7:30 بجے شروع ہوں گے ٹاس شام 7:00 بجے ہوگا دوسرا ٹی ٹوئنٹی 28 اپریل کو جبکہ تیسرا ٹی ٹوئنٹی 30 اپریل کو شروع ہوگا۔

چوتھا اور پانچواں ٹی ٹوئنٹی بالترتیب 2 اور 3 مئی کو شیڈول ہے۔

پاکستانی کپتان ڈار نے تسلیم کیا کہ قومی ٹیم ون ڈے سیریز کے نتائج سے “مایوس” ہے لیکن انہوں نے غلطیوں کو دور کرنے اور مختصر ترین فارمیٹ میں ویسٹ انڈیز کے خلاف جیت کا سلسلہ جاری رکھنے کی امید ظاہر کی۔

ڈار نے کہا کہ ہم واضح طور پر ون ڈے سیریز میں پرفارمنس سے مایوس ہیں اور ہمارا مقصد اپنی غلطیوں کو سدھارنا اور آنے والی ٹی ٹوئنٹی سیریز میں مضبوط کارکردگی دکھانا ہے۔”

دوسری طرف ویسٹ انڈیز کے کپتان میتھیوز اس بات کے خواہاں ہیں کہ ٹورنگ ٹیم ٹی ٹوئنٹی سیریز میں اپنی فارم کو برقرار رکھے گی۔

پاکستان ویمن ٹی ٹوئنٹی سکواڈ: ندا ڈار (کپتان)، عالیہ ریاض، عائشہ ظفر، ڈیانا بیگ، فاطمہ ثناء، گل فیروزہ، منیبہ علی (وکٹ کیپر)، ناجیہ علوی (وکٹ کیپر)، نشرہ سندھو، نتالیہ پرویز، رامین شمیم، سعدیہ اقبال، سدرہ امین، طوبہ حسن اور ام ہانی۔

ویسٹ انڈیز ویمنز وائٹ بال اسکواڈ: ہیلی میتھیوز (کپتان)، شیمین کیمپبیل (نائب کپتان)، عالیہ ایلین، ایفی فلیچر، چیڈین نیشن، چیری این فریزر، چنیل ہنری، جنیلیا گلاسگو، کرشمہ رامہرک، کیٹ ولموٹ، کیوئین رشدہ ولیمز، شمیلیا کونیل، اسٹیفنی ٹیلر اور زیدہ جیمز۔