پاکستان شاہینز نے بنگلہ دیش اے کے خلاف ون ڈے سیریز جیت لی
اردوانٹرنیشنل(اسپورٹس ڈیسک) تفصیلات کے مطابق پاکستان شاہینز اور بنگلہ دیش اے کے درمیان تیسرا اور آخری ون ڈے جمعہ کو اسلام آباد کلب میں مسلسل بارش کے باعث منسوخ کر دیا گیا۔
نتیجتاً پاکستان شاہینز نے تین میچوں کی سیریز 1-0 سے جیت لی اس سے قبل دوسرا میچ بھی بارش کے باعث منسوخ کر دیا گیا تھا۔
اسی مقام پر 26 اگست کو پاکستان شاہینز نے بنگلہ دیش اے کو 8 وکٹوں سے شکست دی تھی۔
دائیں ہاتھ کے فاسٹ باؤلر محمد عباس آفریدی کی 5 وکٹیں، حسیب اللہ اور عثمان خان کی نصف سنچریاں پہلے ون ڈے میں پاکستان شاہینز کی جیت میں کلیدی حیثیت رکھتی تھیں۔
