نسیم شاہ کے بھائی عبید شاہ کی پاکستان انڈر 19 ورلڈکپ میں تباہ کن باؤلنگ
قومی ٹیم کے فاسٹ باؤلر نسیم شاہ کے بھائی عبید شاہ کی پاکستان انڈر 19 ورلڈکپ میں تباہ کن باؤلنگ کی ہر کوئی تعریف کرنے لگا، انٹرنیشنل کرکٹ کونسل بھی دونوں بھائیوں کی تعریف کیے بنا نہ رہ سکا۔تفصیلات کے مطابق پاکستان انڈر 19 ورلڈکپ میں نیوزی لینڈ کے خلاف عمدہ پرفارمنس دکھا کر عبید شاہ نے شائقین کے دل جیت لیے نیوزی لینڈ کے خلاف کھیلے جانے والے میچ میں عبید شاہ نے صرف 30 رنز دے کر 3 وکٹیں حاصل کیں،اس سےپہلے افغانستان کے خلاف میچ کے دوران انہوں نے 26 رنز دے کر 4 وکٹیں حاصل کی تھیں جب کہ نیپال کے خلاف 48 رنز دے کر 2 وکٹیں حاصل کی تھیں۔
نسیم شاہ کے بھائی عبید شاہ کی تباہ کن باؤلنگ کے چرچے، آئی سی سی بھی معترف
17 سالہ عبید شاہ آئی سی سی انڈر 19 ورلڈ کپ 2024 میں سب سے زیادہ وکٹیں لینے والے باؤلر ہیں، انہوں نے 3 میچوں میں 11.55 کی اوسط اور 4.33 کی اکانومی ریٹ کے ساتھ 9 وکٹیں حاصل کی ہیں، اسلام آباد یونائیٹڈ نے بھی عبید شاہ کے گن گائے تو آئی سی سی بھی عبید شاہ کی شاندار باؤلنگ کا معترف رہا۔
ہم اسٹیبلشمنٹ سے بہتر تعلقات کے خواہاں ہیں، چیئرمین پی ٹی آئی
