Sources say no major changes to national team despite being eliminated from T20 World Cup-PCB
کولمبو: ٹی ٹوئنٹی ورلڈ کپ کے سپر ایٹ مرحلے کے 49ویں میچ میں انگلینڈ نے سنسنی خیز مقابلے کے بعد نیوزی لینڈ کو 4 وکٹوں سے شکست دے کر مرحلے میں اپنی فتوحات کا سلسلہ مکمل کرلیا۔
نیوزی لینڈ نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 159 رنز بنائے گلین فلپس 39 رنز کے ساتھ نمایاں رہے جبکہ ٹِم سائفرٹ نے 35 رنز اسکور کیے۔
انگلینڈ کی جانب سے ول جیکس، عادل راشد اور ریحان احمد نے دو، دو وکٹیں حاصل کیں۔
ہدف کے تعاقب میں انگلینڈ نے 6 وکٹوں کے نقصان پر تین گیندیں قبل مطلوبہ اسکور حاصل کرلیا مشکل وقت میں ول جیکس (32 ناٹ آؤٹ) اور ریحان احمد (19 ناٹ آؤٹ) نے ساتویں وکٹ پر 16 گیندوں میں 44 رنز کی فیصلہ کن شراکت قائم کی ٹام بینٹن 33 اور کپتان ہیری بروک 26 رنز کے ساتھ دیگر نمایاں بیٹرز رہے۔
نیوزی لینڈ کے رچن رویندرا نے 3 وکٹیں حاصل کیں۔
دوسری جانب ایونٹ میں پاکستان کی سیمی فائنل تک رسائی کی امیدیں برقرار ہیں پاکستان کو سری لنکا کے خلاف آئندہ میچ میں نہ صرف کامیابی حاصل کرنا ہوگی بلکہ بہتر رن ریٹ بھی یقینی بنانا ہوگا پہلے بیٹنگ کی صورت میں 65 رنز سے فتح جبکہ ہدف کے تعاقب میں 13 اوورز کے اندر مطلوبہ اسکور حاصل کرنا پاکستان کے لیے لازمی ہوگا۔
