محمد آصف کا بابر اعظم کو سیاست سےدور رہنے کا مشورہ

محمد آصف کا بابر اعظم کو سیاست سےدور رہنے کا مشورہ

اردو انٹرنیشنل (اسپورٹس ڈیسک )تفصیلات کے مطابق پاکستان کے سابق فاسٹ بولر محمد آصف نے پاکستان کے وائٹ بال کپتان بابر اعظم کو ایک مشورہ دیتے ہوئے کہا کہ اسٹار بلے باز کو کپتانی کے پیچھے نہیں بھاگنا چاہیے اور سیاست کا حصہ بننے سے گریز کرنا چاہیے۔

آصف، جو اپنے دو ٹوک ریمارکس کے لیے جانے جاتےہیں ایک یوٹیوب پوڈ کاسٹ میں نمودار ہوئے اور انہیں قومی ٹیم کا واحد مناسب کھلاڑی قرار دیا۔

محمد آصف نے تاہم رائے دی کہ بابر اعظم کو کپتانی کے پیچھے نہیں بھاگنا چاہیے کیونکہ وہ قائدانہ کردار سے بالاتر ہیں۔

آصف نے کہا کہ سچ پوچھیں تو اس وقت ہمارے پاس صرف بابر اعظم ہیں وہ کپتانی سے بالاتر ہیں، اور انہیں اس کے پیچھے نہیں بھاگنا چاہیے مجھے نہیں معلوم کہ وہ کپتانی کے پیچھے کیوں ہے بابر اعظم اس وقت ریڑھ کی ہڈی ہیں .

وہ اس وقت واحد مناسب کھلاڑی ہیں مجھے نہیں معلوم کہ انہیں سیاست میں کیوں گھسیٹا جا رہا ہے، یا اگر وہ اس میں ملوث ہو رہے ہیں تو انہیں ایسا نہیں کرنا چاہیے۔

آصف نے نتیجہ اخذ کیا کہ وہ کپتانی سے بالاتر ہیں اور انہیں اپنے حلقے میں نوجوان کھلاڑیوں کو اپنے ساتھ لے جانے کی ضرورت ہے اس طرح کی سیاست ان کے کیریئر کو نقصان پہنچا سکتی ہے۔

یہاں یہ بات قابل ذکر ہے کہ بابر اعظم کی قیادت میں پاکستان پہلی بار آئی سی سی مینز ٹی ٹوئنٹی ورلڈ کپ کے گروپ مرحلے سے ہی ناک آؤٹ ہو گیا تھا۔