نوید انتھونی کی بطور ڈپٹی سپیکر سندھ اسمبلی تقرری پر ہیومن رائٹس کمیشن آف پاکستان کا پیغام
اردو انٹرنیشنل(مانیٹرنگ ڈیسک) تفصیلات کے مطابق ہیومن رائٹس کمیشن آف پاکستان کی جانب سے سماجی رابطے کی ویب سائیٹ (ٹویٹر) ایکس پر جاری ہونے والے ایک بیان میں کہا گیا ہے کہ ہیومن رائٹس کمیشن آف پاکستان سندھ اسمبلی میں ڈپٹی اسپیکر کے عہدے کے لیے نوید انتھونی کی نامزدگی کے فیصلے کا خیرمقدم کرتا ہے.
بیان میں مزید کہا گیا کہ نوید اینتھونی کے ڈپٹی اسپیکر کے طور پر نامزدگی کے سامنے آنے سے پاکستان میں مذہبی اقلیتی برادریوں کو ان کی شہریت کی حیثیت اور پاکستان کی سیاست اور معاشرے میں جگہ حاصل کرنے کے امکانات کے حوالے سے اعتماد حاصل ہوگا۔
واضح رہے کہ جمعے کو میڈیا سے گفتگو کرتے ہوئے چیئرمین پاکستان پیپلز پارٹی بلاول بھٹو زرداری کا کہنا تھا کہ پیپلز پارٹی ڈپٹی اسپیکر کے عہدے کے لیے غیر مسلم رُکن صوبائی اسمبلی انتھونی نوید کو نامزد کر رہی ہے۔
