لنکا پریمیئر لیگ 2024 کے پلے آف کے شیڈول کی تصدیق ہو گئی
اردو انٹرنیشنل (اسپورٹس ڈیسک )تفصیلات کے مطابق لنکا پریمیئر لیگ 2024 کا پانچواں ایڈیشن نازک مرحلے میں پہنچ گیا ہے کیونکہ ایک ٹیم کا سفر ختم ہو گیا ہے اور منگل کو لیگ مرحلے کے اختتام کے بعد چار ٹیمیں پلے آف میں پہنچ گئی ہیں، جس میں دمبولا سکسرز نے کولمبو اسٹرائیکرز کو شکست دی تھی۔
پانچ ٹیموں کے ٹورنامنٹ میں، ہر ٹیم کا مقابلہ دوسرے سے ڈبل راؤنڈ رابن فارمیٹ میں ہوا لیگ مرحلے کے اختتام پر سرفہرست چار ٹیموں نے ایل پی ایل پلے آف میں جگہ حاصل کی، جہاں وہ چار اضافی میچوں میں مقابلہ کریں گی۔
ایل پی ایل پلے آف میں، کوالیفائر 1 میں سرفہرست دو ٹیمیں آپس میں مد مقابل ہوں گی فاتح ٹیم براہ راست فائنل میں پہنچ جائے گی ہارنے والے کو کوالیفائر 2 کے ذریعےا ایک اور موقع ملتا ہے، جہاں ان کا مقابلہ ایلیمینیٹر کے فاتح سے ہوگا، جس کا مقابلہ تیسرے اور چوتھے نمبر پر آنے والے فریقوں کے درمیان ہوگا۔
گال مارولز، جافنا کنگز، کولمبو سٹرائیکرز، اور کینڈی فالکنز نے ٹاپ فور میں اپنی جگہوں کی تصدیق کر لی ہے جبکہ مارولز، کنگز اور اسٹرائیکرز نے اپنی جگہیں جلد محفوظ کرلیں، فالکنز کی جگہ اس وقت یقینی ہوگئی جب ڈیمبولا سکسرز اپنے آخری لیگ میچ میں انہیں پیچھے چھوڑنے میں ناکام رہے۔
لنکا پریمیئر لیگ 2024 کے پلے آف کا انعقاد 18 سے 21 جولائی تک ہوگا جس کے چاروں میچز کولمبو کے آر پریماداسا اسٹیڈیم میں ہونے والے ہیں۔
