خلیل الرحمان قمرنے فحش ویڈیوز پر ایف آئی اے سائبر کرائم سے رجوع کرلیا
معروف ڈرامہ نگار اور اسکرین رائٹر خلیل الرحمان قمر نے مبینہ طور پر سوشل میڈیا پر اپنی قابل اعتراض ویڈیوز لیک کرنے پر وفاقی تحقیقاتی ادارے (ایف آئی اے) کے سائبر کرائم سیل میں ’ہنی ٹریپ‘ گینگ کے خلاف شکایت درج کرائی ہے۔
خلیل الرحمان قمر کی جانب سے درج کروائی گئی آیف آئی آر کے مطابق گزشتہ ماہ ایک خاتون نے مبینہ طور پر خلیل الرحمان قمر کو ایک نئے ڈرامے کے پراجیکٹ پر بات کرنے کے بہانے رات گئے اپنے گھر بلایا تھا۔ جب وہ وہاں پہنچے تو چند منٹ بعد مسلح افراد گھر کے اندر آئے اور خلیل الرحمان قمر کی پٹائی شروع کردی۔ گینگ کے ارکان کو مبینہ طور پر بھاری تاوان ادا کرنے کے بعد اسے جانے کی اجازت دی گئی۔
ایف آئی اے میں درج کرائی شکایت میں خلیل الرحمان قمر نے کہا کہ ملزمان نے اسے بلیک میل کیا اور اس سے بھاری رقم بٹوری۔
ڈرامہ نگار کا کہنا تھا کہ انہیں گھر بلانے کے بعد ملزمان نے ان کی قابل اعتراض ویڈیوز بنائی اور بعد میں بھتہ کی رقم دینے سے انکار پر انہیں لیک کر دیا۔
انہوں نے مزید کہا کہ انہیںملزمان نے اپنے گھر پر ایک ڈرامہ پر گفتگو کے لیے بلایا گیا تھا.
اسکرین رائٹر نے شکایت میں کہا کہ ان کی نامناسب ویڈیوز کے وائرل ہونے کے بعد ان کی ساکھ کو نقصان پہنچا۔
ایف آئی اے سائبر کرائم سیل کے حکام نے تصدیق کی ہے کہ انہیں خلیل الرحمان قمر کی شکایت موصول ہوئی ہے اور جلد تحقیقات کی جائیں گی۔
واضح رہے کہ ڈرامہ نگار نے اپنے مبینہ اغوا کے بعد 21 جولائی کو لاہور کے سندر تھانے میں مقدمہ بھی درج کرایا تھا۔
قابل ذکر بات یہ ہے کہ ملزم آمنہ عروج اور دیگر 11 افراد کو فی الحال ریمانڈ پر رکھا گیا ہے کیونکہ پولیس کیس کی تفتیش کر رہی ہے۔ دریں اثنا، ہنی ٹریپ اسکینڈل کے مبینہ ماسٹر مائنڈ حسن شاہ کو منگل کو گرفتار کر لیا گیا۔
ویڈیوز میں خلیل الرحمان قمر اور اس گروہ کے ارکان کو دکھایا گیا تھا جنہوں نے مبینہ طور پر اسے اغوا کیا تھا۔
خلیل الرحمان قمر کی فحش ویڈیو کے علاوہ، ایک علیحدہ لیک ہونے والے کلپ میں دکھایا گیا ہے کہ مجرمان ڈرامہ نگار کے ساتھ ملاقات کے بہترین نظارے کو یقینی بنانے کے لیے کیمرے کی جانچ کر رہے ہیں۔
مرکزی ملزمان عروج اور حسن شاہ اتفاقاً اسی صوفے پر بیٹھے تھے جہاں قمر کو ویڈیو میں دیکھا جا سکتا ہے۔
مزید برآں، مبینہ طور پر خلیل الرحمان قمر عروج کے ساتھ اس کمرے میں رہنے کے چند منٹ بعد مسلح افراد گھس آئےاور اس کی پٹائی شروع کردی، اور پھر اسے ڈرائیو پر لے گئے جس کے دوران انہوں نے اس کا قیمتی سامان اور نقدی چھین لی۔
