جے یو آئی (ف)رہنما حافظ حمد اللہ کی گاڑی پر نامعلوم افراد کی فائرنگ

جے یو آئی (ف)رہنما حافظ حمد اللہ کی گاڑی پر نامعلوم افراد کی فائرنگ

چمن میں جمعیت علمائے اسلام (ف) کے رہنما حافظ حمد اللہ کی گاڑی پر نامعلوم افراد نے فائرنگ کی۔

حافظ حمداللہ کی گاڑی پر فائرنگ میزائی اڈہ کے مقام پر کی گئی، وہ چمن سے کوئٹہ جا رہے تھے۔

پولیس کے مطابق نامعلوم افراد نے حافظ حمداللہ کی گاڑی پر فائرنگ کی، یہ فائرنگ پانچ منٹ تک جاری رہی۔تاہم، گاڑی بم پروف ہونے کی وجہ سے جے یو آئی رہنما حافظ حمداللہ حملے میں محفوظ رہے۔

اسکواڈ میں موجود پولیس اہلکاروں اور محافظوں کی جوابی فائرنگ سے حملہ آور فرار ہوگئے۔

ان کے صاحبزادے حافظ خلیل نوری نے تصدیق کی ہے حافظ حمداللہ حملے میں محفوظ رہے ہیں۔انہوں نے فیس بک پر اپنی پوسٹ میں لکھا، ’شکر الحمدللہ، والد صاحب پر میزائی اڈے کے مقام پر حملہ ہوا ہے، اللہ تعالٰی کا لاکھ لاکھ شکر ہے والد محترم اور باقی ساتھی سارے محفوظ ہیں‘۔

ڈی آئی خان میں پی ٹی آئی کے 23 بلدیاتی نما ئندوں نے جے یو آئی (ف) سے اتحاد کرلیا

باجوڑ سے پی ٹی آئی کے امیدوار کو الیکشن مہم کے دوران فائرنگ کرکے قتل کردیا گیا