چیف جسٹس کے ساتھ ہوئی بدسلوکی کے خلاف بولنے پر صحافی اعزاز سید کو دھمکیاں
سینئر صحافی اعزاز سید نے سوشل میڈیا پر ملنے والی دھمکیوں کے ردعمل میں سوشل میڈیا پلیٹ فارم ایکس پر لکھا ہے کہ تحریک لبیک پاکستان کے سربراہ سعد رضوی کی ایماء پر سوشل میڈیا پر انکی کردار کشی کی جارہی اور انکو باقائدہ دھمکیاں بھی دی جارہی ہیں.
ایکس پر اعزاز سید نے لکھا کہ قاضی فائز عیسی کے ساتھ ہوئے واقعہ کو بدسلوکی اور عدم برداشت قرار دینے کے جرم پر میرے خلاف بظاہر علامہ سعد رضوی کی ہدایت پر تحریک لبیک نے سوشل میڈیا اور فون پر کردار کشی اور دھمکیوں کی مہم کا آغاز کر دیا ہے ۔
سینئر صحافی کا کہنا تھا کہ میں بات سمجھنے یا سمجھانے کے لیے دلیل کے علاوہ کسی زبان پر یقین نہیں رکھتا۔
اعزاز سید نے لکھا کہ البتہ مجھے یا میرے خاندان کے کسی فرد کو پہنچنے والے نقصان کا زمہ دار سعد رضوی کو سمجھا جائے اور کسی ناگہانی صورت میں مقدمہ سعد رضوی کیخلاف درج کیا جائے۔
