اردو انٹرنیشنل اسپورٹس ویب ڈیسک تفصیلات کے مطابق جیکب انگبرگزٹن اور آرمنڈ ڈوپلانٹس دونوں نے سائلیزیا میں ڈائمنڈ لیگ ایونٹ میں عالمی ریکارڈ توڑ دیے ۔
ناروے سے تعلق رکھنے والےانگبرگزٹن نے 3000 میٹر کی دوڑ میں نیا عالمی ریکارڈ قائم کیا۔ انہوں نے 7 منٹ اور 17.55 سیکنڈ میں ریس مکمل کی اور 1996 میں کینیا کے ڈینیئل کومن کے قائم کردہ 7:20.67 کے پرانے ریکارڈ کو شکست دی۔ یاد رہے کومن کا ریکارڈ ٹریک ایونٹس میں مردوں کا طویل ترین عالمی ریکارڈ تھا۔
دوسری جانب سویڈن سے تعلق رکھنے والے آرمنڈ ڈوپلانٹس نے اپنا ہی پول والٹ ورلڈ ریکارڈ توڑ دیا۔انہوں نے 6.26 میٹر کا فاصلہ طے کیا، جو ان کے پچھلے بہترین سیٹ سے ایک سینٹی میٹر زیادہ ہے وہ اس ماہ کے شروع میں پیرس میں اولمپک گولڈ میڈل بھی جیت چکے ہیں ۔ اتوار کو ان کی دوسری کوشش کلیئرنس تھی جب 24 سالہ نوجوان نے اس سیزن میں تیسری بار عالمی ریکارڈ توڑا، اور مجموعی طور اپنے کیریئر میں 10 واں۔
ڈوپلانٹس نے کہا کہ وہ اچھی حالت میں ہیں کیونکہ انہوں نے اولمپکس پر توجہ مرکوز کی تھی، اس لیے ریکارڈ توڑنا ان کے لیے کوئی تعجب کی بات نہیں تھی۔
